Z mjezami dźěłać

Kak móžu mjezy w sumowej abo integralnej formli definować?

Chceće sumacisku formlu kaž „sumacija s^k za k = 0 do n“ na poziciji kursora w tekstowym dokumenće Writer zasadźić.

1. Wubjerće Zasadźić – OLE-objekt – Formlowy objekt….

   Widźiće zapodawanske wokno Math a wobłuk Elementy nalěwo.

2. Wubjerće zapisk Operatory z lisćiny w hornim dźělu wobłuka Elementy.

3. Klikńće w delnim dźělu wobłuka Elementy na symbol suma.

4. Zo byšće delnje a hornje hranicy zmóžnił, klikńće přidatnje na symbol hornja a delnja hranica.

5. W zapodawanskim woknje so zastupowacy symbol abo marka wuběra a móžeće započeć, delnju hranicu zapodać:

   k = 0

6. Tłóčće F4, zo byšće k přichodnej marce dóšoł, a zapodajće hornju hranicu:

   n

7. Tłóčće F4, zo byšće k přichodnej marce dóšoł, a zapodajće sumand:

   s^k

8. Nětko je formla dospołna. Klikńće do swojeho tekstoweho dokumenta zwonka formle, zo byšće formlowy editor wopušćił.

Na samsne wašnje móžeće integralnu formlu z hranicami zapodać. Hdyž na symbol wobłuka Elementy klikaće, so připokazany tekstowy přikaz do zapodawanskeho wokna zasadźi. Jeli tekstowe přikazy znajeće, móžeće přikazy direktnje do zapodawanskeho wokna zapodać.

1. Wubjerće Zasadźić – OLE-objekt – Formlowy objekt….

2. Klikńće do zapodawanskeho wokna a zapodajće slědowacu linku:

   int from{a} to{b} f(x)`dx

   Mała mjezera mjez f(x) a dx eksistuje, kotruž móžeće tež z pomocu wobłuka Elementy zapodać: Wubjerće zapisk Formaty z lisćiny horjeka a potom na symbol Mała mjezera.