Formlowe dźěle manuelnje wusměrić

Kak dadźa so znamješka w LibreOffice Math spěšnje a lochko wusměrić?

Zo byšće to přewjedł, dyrbiće prózdne skupiny a znamješkowe rjećazki definować. Njetrjebaja rum, ale njejsu informacije, kotrež při wusměrjenju pomhaja.

Zo byšće prózdne skupiny wutworił, zapodajće kwaklate spinki {} do wokna Přikazy. W slědowacym přikładźe ma so łamanje linki docpěć, zo bychu plusowe znamješka jedne pod druhim byli, hačrunjež so w hornej lince jedne znamješko mjenje zapodawa.

a+a+a+{} newline {}{}{}{}{}a+a+a+a

Prózdne znamješkowe rjećazki su jednora móžnosć, zo bychu so teksty a formle na lěwej kromje wusměrili. Definuja so z pomocu dwójnych pazorkow "". Njewužiwajće typografiske pazorki. Přikład:

"Dalši přikład." newline a+b newline "" c-d