Symbole wobdźěłać
Wužiwajće tutón dialog, zo byšće symbolowej sadźbje symbole přidał, symbolowe sadźby wobdźěłał abo symbolowe mjena změnił. Móžeće tež nowe symbolowe sadźby definować, symbolam mjena připokazać abo eksistowace symbolowe sadźby změnić.
Stary symbol
Wubjerće mjeno aktualneho symbola. Symbol, mjeno symbola a sadźba, ke kotrejž symbol słuša so w lěwym přehladnym wobłuku deleka w dialogowym polu pokazuja.
Stara symbolowa sadźba
Tute lisćinowe polo mjeno aktualneje symboloweje sadźby wobsahuje. Jeli chceće, móžeće tež druhu symbolowu sadźbu wubrać.
Symbol
Nalistuje mjena za symbole w aktualnej symbolowej sadźbje. Wubjerće mjeno z lisćiny abo zapodajće mjeno za nowo přidaty symbol.
Nowy symbol přidać
Zo byšće symbolowej sadźbje symbol přidał, wubjerće pismo w polu Pismo a klikńće potom na symbol w symbolowym wobłuku. Zapodajće mjeno za symbol do pola Symbol. Wubjerće w lisćinowym polu Symbolowa sadźba symbolowu sadźbu abo zapodajće nowe mjeno, zo byšće nowu symbolowu sadźbu wutworił. Prawy wobłuk přehlada symbol pokazuje, kotryž sće wubrał. Klikńće na Přidać a potom na W porjadku.
Mjeno symbola změnić
Zo byšće mjeno symbola změnił, wubjerće stare mjeno w lisćinowym polu Stary symbol. Zapodajće potom nowe mjeno do pola Symbol. Zawěsćće so, hač požadane znamješko je we woknje přehlada, prjedy hač na tłóčatko Změnić klikaće. Klikńće na W porjadku.
Symbolowa sadźba
Lisćinowe polo Symbolowa sadźba mjena wšěch eksistowacych symbolowych sadźbow wobsahuje. Móžeće symbolowu sadźbu změnić abo nowu wutworić.
Nowu symbolowu sadźbu wutworić
Zo byšće nowu symbolowu sadźbu wutworił, zapodajće mjeno za nju w lisćinowym polu Symbolowa sadźba a přidajće znajmjeńša jedyn symbol. Klikńće na W porjadku, zo byšće dialog začinił. Nowa symbolowa sadźba je nětko pod nowym mjenom k dispoziciji.
Pismo
Pokazuje mjeno aktualneho pisma a zmóžnja wam, druhe pismo wubrać.
Podskupina
Jeli pismo bjez symbolow w lisćinowym polu Pismo wubrał, móžeće podskupinu Unicode wubrać, w kotrejž ma so waš nowy abo wobdźěłany symbol zaměstnić. Hdyž podskupina je wubrana, so wšě symbole, kotrež k tutej podskupinje aktualneje symboloweje sadźby słušeja, w lisćinje symbolow horjeka pokazuja.
Stil
Aktualna pismowy rěz so pokazuje. Móžeće pismowu družinu změnić, hdyž jedyn z lisćinoweho pola wuběraće.
Přidać
Klikńće na tute tłóčatko, zo byšće symbol, kotryž so w prawym woknje přehlada pokazuje, aktualnej symbolowej sadźbje přidał. Składuje so z mjenom, kotrež so w lisćinowym polu Symbol pokazuje. Dyrbiće mjeno pod Symbol abo Symbolowa sadźba podać, zo byšće móhł tute tłóčatko wužiwać. Mjena njedadźa so wjace hač jónu wužiwać.
Změnić
Klikńće na tute tłóčatko, zo byšće mjeno symbola wuměnił, kotrež so w lěwym woknje přehlada pokazuje (stare mjeno so w lisćinowym polu Stary symbol pokazuje) z nowym mjenom, kotrež sće do lisćinoweho pola Symbol zapodał.
Symbol do druheje symboloweje sadźby přesunyć
Zo byšće na přikład wulki pismik ALPHA ze sadźby „Grjekšćina“ do sadźby „Specialny“ přenošował, wubjerće staru symbolowu sadźbu (Grjekšćina) a potom symbol ALPHA z pomocu dweju lisćinoweju polow horjeka. Symbol so w lěwym woknje přehlada jewi. Wubjerće w lisćinowym polu Symbolowa sadźba sadźbu „Specialny“. Klikńće na Změnić a potom na W porjadku. Symbol ALPHA je nětko jenož w symbolowej sadźbje „Specialny“.
Zhašeć
Klikńće, zo byšće symbol wotstronił, kotryž so w lěwym woknje přehlada z aktualneje symboloweje sadźby pokazuje. Wěstotna zdźělenka so njepokaza. Hdyž posledni zwostawacy symbol symboloweje sadźby zhašeće, so tež symbolowa sadźba zhaša.
Móžeće tež na Přetorhnyć kliknyć, zo byšće dialog začinił, zo njebychu so změny składowali.