Pismowe wulkosće
Wužiwajće tutón dialog, zo byšće pismowe wulkosće za swoju formlu podał. Wubjerće zakładnu wulkosć a wšě elementy formle so w poměrje k tutej bazy skaluja.
Zakładna wulkosć
Wšě elementy formle so proporcionalnje k zakładnej wulkosći skaluja. Zo byšće zakładnu wulkosć změnił, wubjerće abo zapodajće požadanu dypkowu wulkosć (pt). Móžeće tež druhe měrjenske jednotki abo druhe měrjenske systemy wužiwać, kotrež so potom awtomatisce do dypki přetworjeja.
Zo byšće standardnu wulkosć (12 pt), kotraž so w LibreOffice Math wužiwa, na přeco změnił, dyrbiće najprjedy wulkosć nastajić (na přikład 11 pt) a potom na tłóčatko Standard kliknyć.
Relatiwne wulkosće
W tutym wotrězku móžeće relatiwne wulkosće za kóždy elementowy typ nastupajo zakładnu wulkosć postajić.
Tekst
Wubjerće wulkosć za tekst w formli nastupajo zakładnu wulkosć.
Indeksy
Wubjerće relatiwnu wulkosć za indeksy w formli w poměrje k zakładnej wulkosći.
Funkcije
Wubjerće relatiwnu wulkosć za mjena a druhe elementy funkcijow w formli w poměrje k zakładnej wulkosći.
Operatory
Wubjerće relatiwnu wulkosć matematiskich operatorow w formli w poměrje k zakładnej wulkosći.
Hranicy
Wubjerće relatiwnu wulkosć za hranicy w formli w poměrje k zakładnej wulkosći.
Standard
Klikńće tute tłóčatko, zo byšće swoje změny jako standard za wšě nowe formle składował. Wěstotna zdźělenka so jewi, prjedy hač so změny składuja.
