Pisma
Definuje pisma, kotrež móžeće na formlowe elementy nałožić.
Formlowe pisma
Móžeće pisma za wariable, funkcije, ličby a zasadźeny tekst definować, kotrež elementy wašeje formle su.
Lisćinowe pola w dialogu Pisma standardne pismo za wšě elementy pokazuja. Zo byšće pismo změnił, klikńće na Změnić a wubjerće potom elementowy typ. Nowe dialogowe polo so jewi. Wubjerće požadane pismo a zmóžńće požadane atributy. Klikńće potom na W porjadku. Zo byšće změny jako standardne pisma nastajił, klikńće na tłóčatko Standard.
Jeli chceće jednotliwe tekstowe dźěle z pismom woznamjenić, kotrež so wot pisma cyłeho teksta wotchila, zapodajće přikaz Pismo do wokna Přikazy.
Wariable
Móžeće pisma za wariable w swojej formli wubrać. W formli x=SIN(y) na přikład stej x a y wariabli a pokazujetej připokazane pismo.
Funkcije
Wubjerće pisma za mjena a kajkosće funkcijow. W formli x=SIN(y) na přikład je =SIN( ) funkcija.
Ličby
Móžeće pisma za ličby w swojej formli wubrać.
Tekst
Wubjerće tu pisma za tekst w swojej formli.
Swójske pisma
W tutym wotrězku dialoga Pisma móžeće pisma definować, z kotrymiž móžeće druhe tekstowe komponenty w formli formatěrować. Tři zakładne pisma Serif, Sans a Fixed su k dispoziciji. Móžeće kóždemu instalowanemu zakładnemu pismu dalše pisma přidać. Kóžde pismo na wašim systemje je za wužiwanje k dispoziciji. Wubjerće tłóčatko Změnić, zo byšće wuběr w lisćinowym polu rozšěrił.
Tute swójske pisma so wužiwaja, jeli sće z přikazom FONT druhe pismo we woknje Přikazy nastajił.
Serif
Móžeće pismo podać, kotrež so ma za format font serif wužiwać. Serify su małe smužki, kotrež na přikład deleka na pismiku A widźomne, hdyž so serifowe pismo Times wužiwa. Serify su wužitne, dokelž wóčko čitarja runjewon wjedu a tak čitanje pospěšuja.
Sans
Móžeće pismo podać, kotrež so ma za formatěrowanje pisma sans wužiwać.
Fixed
Móžeće pismo podać, kotrež so ma za formatěrowanje pisma fixed wužiwać.
Změnić
Klikńće na jedyn ze zapiskow z tutoho wuskakowaceho menija, zo byšće přistup k dialogej Pisma dóstał, hdźež móžeće pismo a atributy za wotpowědnu formlu a za swójske pisma definować.
Standard
Klikńće na tute tłóčatko, zo byšće swoje změny jako standard za wšě nowe formle składował. Po tym zo sće změny wobkrućił, klikńće na tłóčatko Haj.
