Atributy
Tu namakaće informacije wo atributach w LibreOffice Math.
Atributy acute, bar, breve, check, circle, dot, ddot, dddot, grave, hat, tilde a vec maja přeco krutu wulkosć a njebudu šěrše (dlěše), jeli su nad dołhim symbolom. Po standardźe so atributy centruja.
Jeničke atributy, kotrež z dołhosću symbola rostu, su overline, underline a overstrike.
Za někotre znamješkowe rjećazki je móžno, zo linija, kotraž je so z underline zasadźiła, je přebliska k znamješku. W tutym padźe móže prózdna skupina problem rozrisać: underline Q sub {} město underline Q.