Indeksy a eksponenty

Tu namakaće zakładne informacije wo indeksach a eksponentach w $[officenameg Math. Móžeće tu wopisane přikłady wupruwować, zo byšće diskutowane podrobnosće rozumił. (Pazorki w tutym teksće su jenož za wuzběhnjenje myslene a njejsu dźěl přikładow.)

Indeks a eksponent za znamješko so jedyn nad druhim pokazuje, na bazowym znamješku na lěwu kromu wusměrjeny. Zapodajće na přikład a_2^3 abo a^3_2. Porjad je bjez wuznama. Město '_' a '^' móžeće 'sub' a 'sup' wužiwać.

Ale njeje hižo móžno, slědowace mustry wužiwać:

a_2_3

a^2^3

a_2^3_4

Kóžda pozicija nišostajenja resp. wyšestajenja bazoweho znamješka da so jenož jedyn raz wužiwać. Dyrbiće spinki wužiwać, zo byšće požadany wuslědk pokazał. Slědowace přikłady to ilustruja:

a_{2_3}

a^{2^3}

a_2^{3_4}

a_{2^3}^{4_5}

Zo byšće tensory pisał, LibreOffice Math wjacore móžnosće skići. Nimo notacije "R_i{}^{jk}{}_l", kotraž je w druhich nałoženjach z wašnjom, dadźa so přidatne notacije wužiwać, mjenujcy "R_i{}^jk{}_l" a "{{R_i}^jk}_l".

Wyše- a nišostajene znamješka nalěwo bazoweho znamješka dadźa so tež na prawu kromu wusměrić. Zo by so to činiło, so nowej přikazaj "lsub" a "lsup" wužiwatej. Wobaj přikazaj matej samsny efekt kaž "sub" a "sup", jenož zo stej nalěwo pódla bazoweho znamješka. Hlejće tež "a lsub 2 lsup 3".

Prawidła wo jednozmyslnosći a trěbnosć spinkow su samsne. To da so principielnje z {}2^a docpěć.

Z přikazomaj "csub" a "csup" móžeće wyše- a nišostajene znamješka direktnje nad abo pod znamješkom pisać. Přikład je "a csub y csup x". Kombinacije indeksow a eksponentow su hromadźe móžne: "abc_1^2 lsub 3 lsup 4 csub 55555 csup 66666".

Wyše- a nišostajene znamješka dadźa so najwjace unarnym a binarnym operatoram přidać. Dwaj přikładaj: "a div_2 b a<csub n b +_2 h" a "a toward csub f b x toward csup f y".