Format
Móžeće mjez wšelakimi nastajenjemi za formatěrowanje formle LibreOffice Math wubrać. Formatěrowanske nastajenja so w delnim dźělu wobłuka Elementy pokazuja. Tute nastajenja so tež w kontekstowym meniju wokna Přikazy nalistuja.
Slědowaca lisćina je dospołna lisćina formatěrowanskich nastajenjow, kotrež su w LibreOffice Math k dispoziciji. Symbol pódla formatěrowanskeho nastajenja podawa, zo byšće přistup k njemu přez wobłuk Elementy (wubjerće Napohlad – Elementy) abo přez kontekstowy meni wokna Přikazy měł.
Pismik „a“ so na zastupowacy symbol we wašej formli poćahuje, kotryž chceće wotpowědnemu formatěrowanju připokazać. Móžeće tute znamješko z někajkim druhim wuměnić.
Formatěrowanske nastajenja
Wyše stajeny nalěwo
Zasadźuje eksponent nalěwo pódla zastupowaceho symbola. Móžeće tež <?>lsup{<?>} do wokna Přikazy zapodać.
Wyše stajeny horjeka
Zasadźuje eksponent direktnje nad zastupowacym symbolom. Móžeće tež <?>csup<?> direktnje do wokna Přikazy zapodać.
Wyše stajeny naprawo
Zasadźuje eksponent naprawo pódla zastupowaceho symbola. Móžeće tež <?>^{<?>} direktnje do wokna Přikazy zapodać, abo wužiwaće rsup abo sup.
Wertikalny stapl (2 elementaj)
Zasadźuje wertikalny stapl (binom) z dwěmaj zastupowacymaj symbolomaj. Móžeće tež binom<?><?> direktnje do wokna Přikazy zapodać.
Nowa linka
Zasadźuje nowu linku do wašeho dokumenta. Móžeće tež newline direktnje do wokna Přikazy zapodać.
Nišo stajeny nalěwo
Zasadźuje indeks nalěwo pódla zastupowaceho symbola. Móžeće tež <?>lsub{<?>} do wokna Přikazy zapodać.
Nišo stajeny deleka
Zasadźuje indeks pod zastupowacym symbolom. Móžeće tež <?>csub<?> direktnje do wokna Přikazy zapodać.
Nišo stajeny naprawo
Zasadźuje indeks naprawo pódla zastupowaceho symbola. Móžeće tež <?>_{<?>} do wokna Přikazy zapodać. Nišo stajena smužka da so z rsub abo sub wuměnić.
Wertikalny stapl (3 elementy)
Zasadźuje wertikalny stapl z třomi zastupowacymi symbolemi. Móžeće tež stack {<?>#<?>#<?>} do wokna Přikazy zapodać.
Mała mjezera
Zasadźuje mału mjezeru mjez zastupowacym symbolom a přichodnym elementom. Móžeće tež ` direktnje do wokna Přikazy zapodać. Přikaz dyrbi so nalěwo abo naprawo pódla symbola, wariable, ličby abo dospołneho přikaza jewić.
Nalěwo wusměrjeny
Tutón symbol „a“ na lěwu kromu wusměrja a zasadźuje zastupowacy symbol. Móžeće alignl<?> direktnje do wokna Přikazy zapodać.
Horicontalnje centrowane wusměrjenje
Připokazuje pismikej „a“ horicontalne centrowane wusměrjenje a zasadźuje zastupowacy symbol. Móžeće tež alignc<?> direktnje do wokna Přikazy zapodać.
Wusměrjenje naprawo
Zasadźuje přikaz za wusměrjenje naprawo a zastupowacy symbol. Móžeće tež alignr<?> do wokna Přikazy zapodać.
Matriksowy stapl
Tutón symbol matriks ze štyrjomi zastupowacymi symbolemi zasadźuje. Móžeće tež matrix{<?>#<?>##<?>#<?>} direktnje do wokna Commands zapodać. Pozicija elementa znutřka tutoho diagrama so přez dwě koordinaće podawa; prěnja linkowe čisło a druha špaltowe čisło podawa. Móžeće tutu matriks we woknje Přikazy k někajkemu směrej rozšěrić, hdyž znamješka přidawaće.
Mjezera
Tutón symbol mjezeru abo mjezotu mjezy zastupowacymi symbolemi zasadźuje. Móžeće tež ~ direktnje do wokna Přikazy zapodać. Přikaz dyrbi so nalěwo abo naprawo pódla symbola, wariable, ličby abo dospołneho přikaza jewić.
Přikazy alignl, alignc a alignr za wusměrjenje su předewšěm efektiwne, jeli
-
ličaki a mjenowaki wusměrjeće, na přikład {alignl a}over{b+c},
-
binomy abo staple natwarjeće, na přikład binom{2*n}{alignr k},
-
elementy w matriksy wusměrjeće, na přikład matrix{alignr a#b+2##c+1/3#alignl d} a
-
nowu linku započinaće, na přikład a+b-c newline alignr x/y.
Hdyž wusměrjenske přikazy wužiwaće, dźiwajće na to, zo
-
smědźa jenož na spočatku wurazow stać a jenož jónkróć wustupować. Tohodla móžeće a+b alignr c zapodać, ale nic a+alignr b
-
so mjez sobu wobwliwuja. To rěka, zo so a naprawo wusměrja, hdyž {alignl{alignr a}}over{b+c} zapodawaće.
Zo byšće z pomocu přikaza „matrix“ wusměrił:
matrix{
alignr sin^2 x + cos^2 x#{}={}#alignl 1 ##
alignr cos^2 x #{}={} #alignl 1 - sin^2 x
}
Nalěwo wusměrić
Jeli so linka abo wuraz z tekstom započina, wusměrja so po standardźe nalěwo. Móžeće to z jednym z přikazow align změnić. Přikład je stack{a+b-c*d#alignr "tekst"}, hdźež so "tekst" naprawo wusměrjeny jewi. Dźiwajće na to, zo tekst dyrbi přeco přez pazorki wobdate być.
Po standardźe centrowane formle dadźa so nalěwo wusměrić, bjeztoho zo byšće meni Format – Wusměrić wužiwał. Zo byšće to činił, stajće prózdny znamješkowy rjećazk, to rěka, pazorki, kotrež někajki tekst wobdawaja "", před wotrězk formle, kotryž chceće wusměrić. Hdyž na přikład "" a+b newline "" c+d zapodawaće, so wobě runicy nalěwo wusměrjatej, město zo byštej so centrowałoj.
Hdyž informacije do wokna Přikazy zapodawaće, dźiwajće na to, zo sej někotre formaty mjezoty za korektnu strukturu wužaduja. To předewšěm płaći, hdyž hódnoty (na přikład a lsup{3}) město zastupowacych symbolow zapodawaće.
Klikńće na Spinki a zeskupjenje za dalše informacije wo formatěrowanju w LibreOffice Math.
Wužitne informacije wo indeksach a eksponentach a skalowanju wam pomhaja, waš dokument na nanajlěpše wašnje organizować.