Atributy
Móžeće ze wšelakich atributow za formle LibreOffice Math wubrać. Někotre atributy so w delnim dźělu wobłuka Elementy pokazuja. Tute atributy so tež w kontekstowym meniju wokna Přikazy nalistuja. Wšě atributy, kotrež we wobłuku Elementy abo w kontekstowym meniju njejsu, dyrbja so manuelnje do wokna Přikazy zapodać.
Slědowaca lisćina je dospołna lisćina wšěch atributow, kotrež su w LibreOffice Math k dispoziciji. Symbol pódla atributa podawa, zo maće na njón přistup přez wobłuk Elementy (wubjerće Napohlad – Elementy) abo přez kontekstowy meni wokna Přikazy.
We wopisanju slědowacych atributowych funkcijow so pismik „a“ na zastupowacy symbol poćahuje, kotryž chceće wotpowědnemu atributej připokazać. Móžeće tute znamješko z někajkim druhim znamješkom po swojej wólbje wuměnić.
Atributowe funkcije
Akut (akcent)
Zasadźuje zastupowacy symbol z akutom (akcent). Móžeće tež acute <?> do wokna Přikazy zapodać.
Gravis (akcent)
Zasadźuje zastupowacy symbol z gravisom (akcent). Móžeće tež grave <?> do wokna Přikazy zapodać.
Nawopačny cirkumfleks
Zasadźuje zastupowacy symbol z nawopačnym cirkumfleksom („hóčka“) nad nim. Móžeće tež check <?> do wokna Přikazy zapodać.
Brevis
Zasadźuje zastupowacy symbol z brevisom (akcent). Móžeće tež breve <?> do wokna Přikazy zapodać.
Kruh
Zasadźuje zastupowacy symbol z kružkom nad nim. Móžeće tež circle <?> do wokna Přikazy zapodać.
Wektorowy šipk
Zasadźuje zastupowacy symbol z wektorowym šipkom. Móžeće tež vec <?> do wokna Přikazy zapodać.
Harpunowy šipk
Zasadźće zastupowacy symbol z harpunowym šipkom. Móžeće tež harpoon <?> do wokna Přikazy zapodać.
Cirkumfleks
Zasadźuje zastupowacy symbol z cirkumfleksom („třěška“). Móžeće tež hat <?> direktnje do wokna Přikazy zapodać.
Nadsmužka
Zasadźuje zastupowacy symbol z nadsmužku („makron“) . Móžeće tež bar <?> do wokna Přikazy zapodać.
Šěroki wektorowy šipk
Zasadźuje šěroki wektorowy šipk ze zastupowacym symbolom. Móžeće tež widevec do wokna Přikazy zapodać.
Šěroki harpunowy šipk
Zasadźuje šěroki harpunowy šipk ze zastupowacym symbolom. Móžeće tež wideharpoon do wokna Přikazy zapodać.
Šěroka tilda
Zasadźuje šěroku tildu ze zastupowacym symbolom. Móžeće tež widetilde direktnje do wokna Přikazy zapodać.
Šěroki cirkumfleks
Zasadźuje šěroki cirkumfleks („třěška“) ze zastupowacym symbolom. Móžeće tež widehat do wokna Přikazy zapodać.
Dwójny dypk
Zasadźuje zastupowacy symbol z dwěmaj dypkomaj nad nim. Móžeće tež ddot <?> direktnje do wokna Přikazy zapodać.
Nadšmórnjenje
Zasadźuje zastupowacy symbol z nadšmórnjenjom. Móžeće tež overline <?> do wokna Přikazy zapodać. Linija so na korektnu dołhosć přiměrja.
Podšmórnjenje
Zasadźuje zastupowacy symbol z podšmórnjenjom. Móžeće tež underline <?> do wokna Přikazy zapodać.
Přešmórnjenje
Zasadźuje zastupowacy symbol z přešmórnjenjom. Móžeće tež overstrike <?> do wokna Přikazy zapodać.
Trójny dypk
Zasadźuje zastupowacy symbol z trójnym naddypkom. Móžeće tež dddot <?> do wokna Přikazy zapodać.
Transparentny
Zasadźuje zastupowacy symbol za transparentne znamješko. Znamješko zaběra rum pismika „a“, ale njepokazuje jo. Móžeće tež phantom <?> do wokna Přikazy zapodać.
Tučne pismo
Zasadźuje zastupowacy symbol z tučnym formatěrowanjom. Móžeće tež bold <?> do wokna Přikazy zapodać.
Kursiwne pismo
Zasadźuje zastupowacy symbol z kursiwnym formatěrowanjom. Móžeće tež ital <?> abo italic <?> do wokna Přikazy zapodać.
Pismowa wulkosć
Zasadźuje přikaz za měnjenje pismoweje wulkosće z dwěmaj zastupowacymaj symbolomaj. Prěni zastupowacy symbol so na pismowu wulkosć (na přikład 12) poćahuje a druhi wobsahuje tekst. Zo byšće porjadnu strukturu dóstał, zasadźće mjezotu mjez hódnotomaj. Móžeće tež size <?> <?> direktnje do wokna Přikazy zapodać.
Pismo změnić
Zasadźuje přikaz za měnjenje pismoweje družiny z dwěmaj zastupowacymaj symbolomaj. Wuměńće prěni zastupowacy symbol z mjenom jednoho ze swójskich pismow, Serif, Sans abo Fixed. Wuměńće druhi zastupowacy symbol z tekstom. Móžeće tež font <?> <?> direktnje do wokna Přikazy zapodać.
Wužiwajće přikaz color, zo byšće barbu swojeje formle změnił. Zapodajće color a potom mjeno barby (k dispoziciji stejace barby su běły, čorny, cyan, magenta, čerwjeny, módry, zeleny a žołty), potom formlu, znamješko abo znamješkowy slěd. Hdyž color green 20 azapodawaće, dóstanjeće zeleny pismik „a“ z pismowej wulkosću 20.
Přikazaj nbold a nitalic tučne abo kursiwne standardne pisma formlowych komponentow wotstronjatej. Zapodajće nitalic před x kaž w 5 nitalic x + 3 = 28, zo byšće kursiwne formatěrowanje pismika x w formli 5 x + 3 = 28 wotstronił.
Atributy "acute", "bar", "breve", "check", "circle", "dot", "ddot", "dddot", "grave", "hat", "tilde" a "vec" krute wulkosće maja. Jich šěrokosć abo dołhosć njeda so přiměrić, hdyž su nad dołhim symbolom.
Za změny wulkosće móžeće size n, +n, -n, *n a /n wužiwać, hdźež n je zastupowacy symbol. Tuta metoda je wužitna, hdyž zakładna wulkosć formle změnam podleži. Přikazaj size +n a size -n wulkosć w dypkach (měrjenska jednotka points (pt)) měnjatej a size *n a size /n wulkosć procentualnje měnjatej. Přikaz size *1.17 na přikład powjetša wulkosć znamješka wo eksaktnje 17 %.
Dźiwajće na to, zo sej někotre zapiski mjezoty za korektnu strukturu wužaduja. To předewšěm płaći, hdyž atributy z njezměnitymi hódnotami město zastupowacych symbolow podawaće.
Za dalše informacije wo formatěrowanju w LibreOffice Math hlejće Spinki a zeskupjenje.
Informacije wo atributach, indeksach a eksponentach a skalowanju móža wam pomhać, waše dokumenty eficientnišo strukturować.