Spinki
Móžeće mjez wšelakimi spinkowymi typami wubrać, zo byšće swoju formlu LibreOffice Math strukturował. Spinkowe typy so w delnim dźělu wobłuka Elementy pokazuja. Tute spinki su tež w kontekstowym meniju wokna Přikazy k dispoziciji. Wšě spinki, kotrež we wobłuku Elementy abo w kontekstowym meniju njejsu, dadźa so manuelnje do wokna Přikazy zapodać.
Slědowaca lisćina je dospołna lisćina k dispoziciji stejacych spinkowych typow. Symbol pódla spinkoweho typa podawa, zo byšće přistup k njemu přez wobłuk Elementy (wubjerće Napohlad – Elementy) abo přez kontekstowy meni wokna Přikazy měł.
Spinkowe typy
Kulojte spinki
Zasadźuje zastupowacy symbol w normalnych kulojtych spinkach. Móžeće tež (<?>) do wokna Přikazy zapodać.
Róžkate spinki
Zasadźuje zastupowacy symbol w róžkatych spinkach. Móžeće tež [<?>] do wokna Přikazy zapodać.
Dwójne róžkate spinki
Zasadźuje zastupowacy symbol w dwójnych róžkatych spinkach. Móžeće tež ldbracket <?> rdbracket do wokna Přikazy zapodać.
Kwaklate spinki
Zasadźuje zastupowacy symbol w kwaklatych spinkach. Móžeće tež lbrace <?> rdbracket do wokna Přikazy zapodać.
Jednore padorune linije
Zasadźuje zastupowacy symbol w padorunych linijach. Móžeće tež lline <?> rline direktnje do wokna Přikazy zapodać.
Dwójne padorune linije
Zasadźuje zastupowacy symbol w dwójnych padorunych linijach. Móžeće tež lline <?> rdline direktnje do wokna Přikazy zapodać.
Kutowe spinki
Zasadźuje zastupowacy symbol w kutowych spinkach. Móžeće tež langle <?> rangle do wokna Přikazy zapodać.
Operatorowe spinki
Zasadźuje dwaj zastupowacej symbolej w operatorowych spinkach. Móžeće tež langle <?> mline <?> rangle do wokna Přikazy zapodać.
Kulojte spinki (skalujomne)
Zasadźuje skalujomne kulojte spinkiz jednym zastupowacym symbolom. Móžeće tež left(<?> right) do wokna Přikazy zapodać.
Róžkate spinki (skalujomne)
Zasadźuje skalujomne róžkate spinki ze zastupowacymi symbolemi. Móžeće tež left[<?> right] do wokna Přikazy zapodać. Wulkosć spinkow so awtomatisce přiměrja.
Dwójne róžkate spinki (skalujomne)
Zasadźuje skalujomne dwójne róžkate spinki ze zastupowacymi symbolemi. Móžeće tež left ldbracket <?> right rdbracket direktnje do wokna Přikazy zapodać. Wulkosć spinkow so awtomatisce přiměrja.
Kwaklate spinki (skalujomne)
Zasadźuje skalujomne kwaklate spinki z jednym zastupowacym symbolom. Móžeće tež left lbrace <?> right rbrace do wokna Přikazy zapodać. Wulkosć kwaklatych spinkow so awtomatisce přiměrja.
Jednore padorune linije (skalujomne)
Zasadźuje skalujomne padorune linije ze zastupowacym symbolom. Móžeće tež left lline <?> right rline do wokna Přikazy zapodać. Wulkosć spinkow so awtomatisce přiměrja.
Dwójne padorune linije (skalujomne)
Zasadźuje skalujomne dwójne padorune linije ze zastupowacym symbolom. Móžeće tež left ldline <?> right rdline do wokna Přikazy zapodać. Wulkosć spinkow so awtomatisce přiměrja.
Kutowe spinki (skalujomne)
Zasadźuje skalujomne kutowe spinki ze zastupowacym symbolom. Móžeće tež left langle <?> right rangle do wokna Přikazy zapodać. Wulkosć spinkow so awtomatisce přiměrja.
Operatorowe spinki (skalujomne)
Zasadźuje skalujomne operatorowe spinki ze zastupowacymi symbolemi. Móžeće tež left langle <?> mline <?> right rangle do wokna Přikazy zapodać. Wulkosć spinkow so awtomatisce přiměrja.
Kwaklata spinka horjeka (skalujomna)
Zasadźuje skalujomnu wodorunu kwaklatu spinku horjeka ze zastupowacymi symbolemi. Móžeće tež <?> overbrace <?> direktnje do wokna Přikazy zapodać. Wulkosć spinki so awtomatisce přiměrja.
Kwaklata spinka deleka (skalujomna)
Zasadźuje skalujomnu wodorunu kwaklatu spinku deleka ze zastupowacymi symbolemi. Móžeće tež <?> underbrace <?> direktnje do wokna Přikazy zapodać. Wulkosć spinki so awtomatisce přiměrja.
Zo byšće spinki skruženskeje funkcije zasadźił, zapodajće lfloor<?>rfloor direktnje do wokna Přikazy.
Zo byšće spinki nakruženskeje funkcije zasadźił, zapodajće lceil<?>rceil direktnje do wokna Přikazy.
Zo byšće skalujomne spinki skruženskeje funkcije zasadźił, zapodajće left lfloor<?>right rfloor direktnje do wokna Přikazy.
Zo byšće skalujomne spinki nakruženskeje funkcije zasadźił, zapodajće left lceil<?>right rceil direktnje do wokna Přikazy.
Wulkosć spinkow so awtomatisce přiměrja, hdyž left a right před spinkowym přikazom zapodawaće, na přikład left(a over b right). Móžeće tež Format – Wotstup – Kategorija – Spinki wubrać a požadane procentowe sadźby nastajić, zo byšće wulkosć a wotstup spinkow nastajił. Markěrujće kontrolny kašćik Wšě spinki skalować, zo byšće změny na wšě spinki w formli nałožił.
Móžeće tež jednotliwe spinki wužiwać. Zo byšće to činił, stajće wróćosmužku \ před přikaz. Hdyž na přikład \[ zapodawaće, so lěwa róžkata spinka bjez jeje praweho pendanta jewi. To je wužitne, zo byšće nawopačne spinki wutworił abo interwale natwarił. Ale jenož njeskalujomne spinki dadźa so jednotliwje wužiwać. Zo byšće wulkosć změnił, wužiwajće přikaz size.
Přikłady jednotliwych spinkow
Za njeskalowane spinki:
a = \{ \( \[ b newline
{} + c \] \) \ }
Za skalowane róžkate spinki wužiwaće none jako spinkowe mjeno
a = left ( a over b right none newline
left none phantom {a over b} + c right )
Přikaz >phantom zawěsća, zo poslednja spinka korektnu wulkosć ma.
Dźiwajće na to, zo mjezoty mjez elementy stajeće, hdyž je direktnje do wokna Přikazy zapodawaće. To zawěsća, zo so korektna struktura spóznawa.
Wužitne informacije wo indeksach a eksponentach kaž tež skalowanju wam pomha, formle efektiwnje strukturował. Za dalše informacije wo spinkach hlejće Spinki a zeskupjenje.