Operatory

Móžeće ze wšelakich operatorow wubrać, zo byšće swoju formlu LibreOffice Math strukturował. Wšě k dispoziciji stejace operatory so w delnim dźělu wobłuka Elementy jewja. Nalistuja so tež w kontekstowym meniju wokna Přikazy. Wšě operatory, kotrež we wobłuku Elementy abo w kontekstowym meniju wobsahowane njejsu, dyrbiće manuelnje do wokna Přikazy zapodać.

Přistup k tutomu přikazej …

Wočińće kontekstowy meni w přikazowym woknje a wubjerće Operatory.

Wubjerće Napohlad – Elementy a potom we wobłuku Elementy Operatory z lisćinoweho pola.

Slědowaca lisćina je lisćina k dispoziciji stejacych operatorow. Symbol pódla mjena operatora podawa, zo byšće přistup k njemu přez wobłuk Elementy (wubjerće Napohlad – Elementy) abo přez kontekstowy meni wokna Přikazy měł.

Operatorowe funkcije

Symbol za Limes

Limes

Zasadźuje znamješko limes z jednym zastupowacym symbolom. Móžeće tež lim <?> direktnje do wokna Přikazy zapodać.

Symbol za Suma

Suma

Zasadźuje znamješko suma z jednym zastupowacym symbolom. Móžeće tež sum <?> direktnje do wokna Přikazy zapodać.

Symbol za Produkt

Produkt

Zasadźuje znamješko produkt z jednym zastupowacym symbolom. Móžeće tež prod <?> direktnje do wokna Přikazy zapodać.

Symbol za Koprodukt

Koprodukt

Zasadźuje znamješko koprodukt z jednym zastupowacym symbolom. Móžeće tež coprod <?> direktnje do wokna Přikazy zapodać.

Symbol za Hornja a delnja hranica

Hornja a delnja hranica

Zasadźuje wobłukowy přikaz hornja a delnja hranica za integral a sumu z jednym zastupowacym symbolom. Móžeće tež from{<?>} to{<?>} <?> direktnje do wokna Přikazy zapodać. Hranične přikazy dyrbja so z přihódnymi operatorami kombinować. Hranicy so nad/pod sumowym znamješkom centruja.

Symbol za Integral

Integral

Zasadźuje znamješko integral z jednym zastupowacym symbolom. Móžeće tež int <?> direktnje do wokna Přikazy zapodać.

Symbol za Dwójny integral

Dwójny integral

Zasadźuje znamješko dwójny integral z jednym zastupowacym symbolom. Móžeće tež iint <?> direktnje do wokna Přikazy zapodać.

Symbol za Trójny integral

Trójny integral

Zasadźuje znamješko trójny integral z jednym zastupowacym symbolom. Móžeće tež iiint <?> direktnje do wokna Přikazy zapodać.

Symbol za Delnja hranica

Delnja hranica

Zasadźuje wobłukowy přikaz delnja hranica za integral a sumu ze zastupowacymaj symbolomaj. Móžeće tež from {<?>}<?> direktnje do wokna Přikazy zapodać.

Symbol za Křiwkowy integral

Křiwkowy integral

Zasadźuje znamješko křiwkowy integral z jednym zastupowacym symbolom. Móžeće tež lint <?> direktnje do wokna Přikazy zapodać.

Symbol za Dwójny křiwkowy integral

Dwójny křiwkowy integral

Zasadźuje znamješko dwójny křiwkowy integral z jednym zastupowacym symbolom. Móžeće tež llint <?> direktnje do wokna Přikazy zapodać.

Symbol za Trójny křiwkowy integral

Trójny křiwkowy integral

Zasadźuje znamješko trójny křiwkowy integral z jednym zastupowacym symbolom. Móžeće tež lllint <?> direktnje do wokna Přikazy zapodać.

Symbol za Hornja hranica

Hornja hranica

Zasadźuje wobłukowy přikaz hornja hranica za integral a sumu ze zastupowacymaj symbolomajMóžeće tež to <?><?> direktnje do wokna Přikazy zapodać. Hranične přikazy dadźa so jenož wužiwać, jeli su z přihódnymi operatorami skombinowane.

Móžeće tež operatorej (na přikład integralej) hranicy přidać, hdyž najprjedy na požadany operator klikaće a potom na symbol limes klikaće.

Přikaz liminf limes inferior z jednym zastupowacym symbolom zasadźuje.

Přikaz limsup limes superior z jednym zastupowacym symbolom zasadźuje.

Hdyž oper do wokna Přikazy zapodawaće, móžeće swójske operatory w LibreOffice Math zasadźić, wužitna funkcija za zatwarjenje wosebitych znamješkow do formle. Přikład je oper %theta x. Z pomocu přikaza oper móžeće tež znamješka zasadźić, kotrež w znamješkowej sadźbje LibreOffice njejsu. oper da so tež w zwisku z hraničnymi hódnotami; na přikład oper %zjednoćenje from {i=1} to n x_{i}. Symbol za zjednoćenje so přez mjeno zjednoćenje podawa. Ale to žane z předdefinowanych symbolow njeje. Zo byšće jón definował, wubjerće Nastroje – Symbole, wubjerćeSpecialny jako symbolowu sadźbu w dialogu, kotryž so jewi a klikńće potom na tłóčatko Wobdźěłać. Wubjerće w přichodnym dialogu Specialny znowa jako symbolowu sadźbu. Zapodajće wuprajiwe mjeno w tekstowym polu Symbol, na přikład „zjednoćenje“ a klikńće potom na symbol zjednoćenje w symbolowej sadźbje. Klikńće na Přidać a potom na W porjadku. Klikńće na Začinić, zo byšće dialog Symbole začinił. Sće nětko hotowy a móžeće symbol zjednoćenje do wokna Přikazy zapodać, hdyž oper %zjednoćenje zapodawaće.

Hranicy dadźa so tež hinak hač nad/pod operatorom centrowane zaměstnić. Wužiwajće nastajenja LibreOffice Math za dźěło z wyše- a nišostajene indeksy. Zapodajće na přikład sum_a^b c do wokna Přikazy, zo byšće hranicy naprawo pódla sumoweho symbola zaměstnił. Jeli waše hranične zapiski dlěše wurazy wobsahuja, dyrbiće je do skupinskich spinkow stajić, na přikład sum_{i=1}^{2*n} b. Hdyž so formle ze starych wersijow importuja, so to awtomatisce stawa. Zo byšće wotstup (mjezery) mjez znamješkami změnił, wubjerće Format – Wotstup… – Kategorija – Indeksy abo Format – Wotstup… – Kategorija – Hranicy. Přidatne zakładne informacije wo indeksach namakaće druhdźe w Pomocy.

Hdyž informacije manuelnje do wokna Přikazy zapodawaće, dźiwajće na to, zo sej wjele operatorow mjezoty za korektnu strukturu wužaduja. To předewšěm płaći, hdyž waše operatory hódnoty město zastupowacych symbolow sobu njesu, na přikład lim a_{n}=a.