Unarne/Binarne operatory
Móžeće wšelake unarne a binarne operatory wubrać, zo byšće swoju formlu LibreOffice tworił. Unarne so na operatory poćahuje, kotrež so na jedyn zastupowacy symbol wuskutkuja. Binarne so na operatory poćahuje, kotrež dwaj zastupowacej symbolej zwjazuja.Delni wotrězk wobłuka Elementy jednotliwe operatory pokazuje. Kontekstowy meni wokna Přikazy tež lisćinu tutych operatorow kaž tež přidatne operatory wobsahuje. Jeli operator trjebaće, kotryž we wobłuku Elementy wobsahowany njeje, wužiwajće kontekstowy meni abo zapodajće jón direktnje do wokna Přikazy.
Slědowaca lisćina je dospołna lisćina unarnych a binarnych operatorow. Symbol pódla operatora podawa, zo maće přistup k njemu přez wobłuk Elementy (wubjerće Napohlad – Elementy) abo přez kontekstowy meni wokna Přikazy.
Unarne a binarne operatory
Plus/Minus
Zasadźuje plus/minus z jednym zastupowacym symbolom. Móžeće tež +-<?> do wokna Přikazy zapodać.
Minus/Plus
Zasadźuje minus/plus z jednym zastupowacym symbolom. Móžeće tež -+<?> do wokna Přikazy zapodać.
Adicija (plus)
Zasadźuje plus z dwěmaj zastupowacymaj symbolomaj. Móžeće tež <?>+<?> do wokna Přikazy zasadźić.
Multiplikacija (dypk)
Zasadźuje dypkowy operator z dwěmaj zastupowacymaj symbolomaj. Móžeće tež <?>cdot<?> do wokna Přikazy zapodać.
Multiplikacija (x)
Zasadźuje znamješko multiplikacija (x) z dwěmaj zastupowacymaj symbolomaj. Móžeće tež <?>times<?> do wokna Přikazy zapodać.
Multiplikacija (*)
Zasadźuje znamješko * za multiplikaciju z dwěmaj zastupowacymaj symbolomaj. Móžeće tež <?>*<?> do wokna Přikazy zapodać.
Subtrakcija (minus)
Zasadźuje znamješko - za subtrakciju z dwěmaj zastupowacymaj symbolomaj. Móžeće tež <?>-<?> do wokna Přikazy zapodać.
Diwizija (łamk)
Zasadźuje łamk z dwěmaj zastupowacymaj symbolomaj. Móžeće tež <?>over<?> do wokna Přikazy zapodać.
Diwizija (÷)
Zasadźuje diwizijne znamješko (÷, obelus) z dwěmaj zastupowacymaj symbolomaj. Móžeće tež <?>div<?> do wokna Přikazy zapodać.
Diwizija (nakósna smužka)
Zasadźuje diwizijne znamješko (/) z dwěmaj zastupowacymaj symbolomaj. Móžeće tež <?>/<?> do wokna Přikazy zapodać.
Logiski NIC
Zasadźuje znamješko za Logiski NIC z jednym zastupowacym symbolom. Móžeće tež neg<?> do wokna Přikazy zapodać.
Logiske A
Zasadźuje logiske A z dwěmaj zastupowacymaj symbolomaj. Móžeće tež <?>and<?> do wokna Přikazy zapodać.
Logiske ABO
Zasadźuje logiske ABO z dwěmaj zastupowacymaj symbolomaj. Móžeće tež <?>abo<?> do wokna Přikazy zapodać.
Zwjazowanje
Zasadźuje zwjazowanske znamješko z dwěmaj zastupowacymaj symbolomaj. Móžeće tež circ do wokna Přikazy zapodać.
Móžeće tež swójske unarne operatory zasadźić, hdyž uoper do wokna Přikazy zasadźić, slědowany přez syntaksu za znamješko. Tuta funkcija je wužitna za zatwarjenje wosebitych znamješkow do formle. Přikaz uoper %theta x na přikład mały grjekski pismik Theta (komponenta znamješkoweje sadźby LibreOffice Math generuje. Móžeće tež znamješka zasadźić, kotrež w znamješkowej sadźbje LibreOffice njejsu, přez to, zo Nastroje – Symbole – Wobdźěłać wuběraće.
Móžeće tež swójske unarne operatory zasadźić, hdyž boper do wokna Přikazy zasadźić. Přikaz boper %theta x na přikład mały grjekski pismik theta generuje, kotremuž y předchadźa a kotremuž x slěduje. Móžeće tež znamješka zasadźić, kotrež w znamješkowej sadźbje LibreOffice njejsu, hdyž Nastroje – Symbole – Wobdźěłać wuběraće.
Hdyž <?>oplus<?> do wokna Přikazy zapodawaće, zasadźujeće plusowy operator w kruhu do swojeho dokumenta.
Zapodajće <?>ominus<?> do wokna Přikazy, zo byšće minusowy operator w kruhu zasadźił.
Zapodajće <?>odot<?> do wokna Přikazy, zo byšće multiplikaciske znamješko (dypk)do formle zasadźił.
Zapodajće <?>odivide<?> do wokna Přikazy, zo byšće diwizijne znamješko (nakósna smužka) w kruhudo formle zasadźił.
Zapodajće a wideslash b do wokna Přikazy, zo byšće dwě znamješce z nakósnej smužku (wot deleka nalěwo do horjeka naprawo) mjez nimaj generował. Znamješce so tak stajatej, zo by wšitko nalěwo pódla nakósneje smužki wyše było a wšitko naprawo pódla njeje niše było. Tutón přikaz je tež w kontekstowym meniju wokna Přikazy k dispoziciji.
Zapodajće a widebslash b do wokna Přikazy, zo byšće dwě znamješce z nakósnej smužku (wot horjeka nalěwo do deleka naprawo) mjez nimaj generował. Znamješce so tak stajatej, zo by wšitko nalěwo pódla nakósneje smužki niše było a wšitko naprawo pódla njeje wyše było. Tutón přikaz je tež w kontekstowym meniju wokna Přikazy k dispoziciji.
Zapodajće sub abo sup do wokna Přikazy, zo byšće znamješkam we formli indeksy a potency přidał; na přikład a sub 2.
Jeli chceće dwudypk ':' jako diwizijne znamješko wužiwać, wubjerće Nastroje – Symbole abo klikńće na symbol Symbole w symbolowej lajsće Nastajenja. Klikńće na tłóčatko Wobdźěłać w jewjacym so dialogu, wubjerće potom symbolowu sadźbu Specialny. Zapodajće wuprajiwe mjeno pódla Symbol, na přikład „dźěleny“ a klikńće potom na dwudypk w symbolowej sadźbje. Klikńće na Přidać a potom na W porjadku. Klikńće na W porjadku, zo byšće dialog Symbole tež začinił. Nětko móžeće nowy symbol, w tutym padźe dwudypk, wužiwać, hdyž jeho mjeno do wokna Přikazy zapodawaće, na přikład a %dźělenypřez b = c.
Hdyž informacije do wokna Přikazy manuelnje zapodawaće, dźiwajće prošu na to, zo sej wjele operatorow mjezoty mjez elementami za korektnu strukturu wužaduje. To předewšěm potom płaći, jeli hódnoty město zastupowacych symbolow wužiwaće, na přikład zo byšće diwiziju 4 div 3 abo a div b natwarił.