Lineale
Móžeće wertikalne a horicontalne lineale na lěwej a hornjej kromje dźěłoweho wobłuka LibreOffice Impress wužiwać, kotrež wam pomhaja, wašu foliju wutworić. Wotrězki linealow, kotrež płoninu folije pokrywaja, su běłe.
Hdyž objekt wuběraće, so jeho wotměry na linealach jako šěre dwójne smužki pokazuja. Zo byšće wulkosć objekta eksaktnje změnił, ćehńće jednu z dwójnych smužkow do noweho městna na linealu.
Hdyž tekstowy objekt na foliji wuběraće, so zasunjenja a tabulatory na horicontalnym linealu pokazuja. Zo byšće zasunjenje abo tabulatorowe nastajenja za tekstowy objekt změnił, ćehńće zasunjenje abo tabulatorowu marku do noweho městna na linealu.
Móžeće tež łójensku liniju z lineala ćahnyć, zo byšće objekty na swoji foliji wusměrił. Zo byšće łójensku liniju z pomocu lineala zasadźił, ćehńće kromu lineala do folije.
Zo byšće lineale pokazał abo schował, wubjerće Napohlad – Lineale.
Zo byšće měrjensku jednotku za lineal podał, klikńće z prawej tastu na lineal a wubjerće nowu jednotku z lisćiny.
Zo byšće spočatk (nulowy dypk) linealow změnił, ćehńće prěčišćo wobeju linealow w hornim lěwym róžku do dźěłoweho wobłuka. Wertikalne a horicontalne pomocne linije so pokazuja. Ćehńće potom wertikalne a horicontalne linije do městna, hdźež so ma nowy spočatk być a pušćće potom. Zo byšće spočatk linealow wróćo stajił, klikńće dwójce na prěčišćo.
Zo byšće folijowe kromy změnił, ćehńće kromu běłych płoninow w linealach.