Tekstowe znamješka do rysowanskich objektow přetworić

Móžeće tekstowe znamješka do křiwkow přetworić, kotrež móžeće wobdźěłać a skalować, kaž byšće to z rysowanskim objektom činił. Hdyž tekst do rysowanskeho objekta přetworjeće, njemóžeće hižo wobsah teksta wobdźěłać.

Zo byšće tekst do rysowanskeho objekta přetworił:

1. Wubjerće tekst, kotryž chceće přetworić a přewjedźće jedyn ze slědowacych krokow:

   Wubjerće w LibreOffice Draw Twar – Přetworić – Do křiwki.

   Klikńće w LibreOffice Impress z prawej tastu na ramik tekstoweho objekta a wubjerće potom Přetworić – Do křiwki.

2. Jeli waš tekst wjace hač jedne znamješko wobsahuje, budźe přetworjeny tekst zeskupjeny objekt. Klikńće dwójce na skupinu, zo byšće jednotliwe objekty wobdźěłał. Tłóčće Esc, hdyž sće dokónčił.

3. Klikńće nětko na symbol Dypki w symbolowej lajsće Rysowanka. Klikńće na objekt. Móžeće wšě Bézierowe dypki objekta widźeć. W symbolowej lajsće Dypki wobdźěłać móžeće wšelake symbole namakać, zo byšće dypki wobdźěłał, zasadźił a zhašał.