Prezentaciju pokazać
Su rozdźělne móžnosće, z kotrymiž móžeće prezentaciju startować. Hdyž prezentacija běži, móžeće ju z pomocu tastatury abo tastow myški wodźić.
Po standardźe so prezentacija přeco z prěnjej foliju startuje. Přeběžiće potom folije manuelnje hač do poslednjeje folije. Móžeće tute nastajenja změnić.
Prezentaciju wuwjesć
-
Wubjerće Prezentacija – Prezentacija, zo byšće prezentaciju wuwjedł.
-
Klikńće, zo byšće k přichodnemu efektej abo přichodnej foliji přešoł.
Tłóčće tastu Esc, zo byšće prezentaciju do jeje kónca přetorhnył.
Je wjele dalšich tastow za wodźenje prezentacije k dispoziciji. Móžeće tež z prawej tastu kliknyć, zo byšće kontekstowy meni z wužitnymi přikazami wočinił.
Awtomatisku prezentaciju pokazać (kioskowy modus)
Za awtomatisku změnu k přichodnej foliji, dyrbiće kóždej foliji folijowy přechad připokazać.
-
Wočińće rajtark Folijowy přechad w bóčnicy.
-
Klikńće we wobłuku K přichodnej foliji přeńć na Po a zapodajće čas.
-
Klikńće na Přechad na wšě folije nałožić.
Móžeće druhi čas za kóždu foliju za přechad k přichodnej foliji nastajić. Funkcija Časowy wotběh wupruwować móže wam pomhać, prawy časowy wotběh namakać.
Zo byšće so k prěnjej foliji wróćił, po tym zo su so wšě folije pokazali, dyrbiće prezentaciju na awtomatiske wospjetowanje nastajić.
-
Wubjerće Prezentacija – Nastajenja prezentacije….
-
Wubjerće we wobłuku Prezentaciski modus Sekla a wospjetować po: a nastajće čas přestawki mjez wospjetowanjemi.
Prezentaciju z dataje wuwjesć
Móžeće LibreOffice z parametrom -show a datajowym mjenom Impress z přikazoweje namołwy startować. Startujće na přikład dataju datajowe_mjeno.odp z přikazoweje namołwy a zapodajće slědowacy přikaz:
soffice -show filename.odp
Wuchadźa so z toho, zo soffice je w programowej šćežce wašeho systema a zo datajowe_mjeno.odp je w aktualnym zapisu.