Prezentacije ćišćeć

Nastajenja standardneho ćišćaka

1. Zo byšće standardne ćišćerske nastajenja za LibreOffice Impress postajił, wubjerće – LibreOffice Impress – Ćišćeć.

Ćišćerske nastajenja za aktualnu prezentaciju postajić

1. Wubjerće Dataja – Ćišćeć….

2. Klikńće na LibreOffice Impress abo na rajtark Nastajenja a wubjerće potom ćišćerske nastajenja.

   Tute nastajenja standardne ćišćerske nastajenja w – LibreOffice Impress – Ćišćeć jenož za aktualny ćišćerski nadawk přepisuja.

Ćišćerske wuhotowanje za cedle do ruki wubrać

1. Wubjerće Dataja – Ćišćeć.

2. Wubjerće w rajtarku LibreOffice Impress dialoga Ćišćeć zapisk „Cedle do ruki“ z lisćinoweho pola Dokument.

3. Wubjerće ličbu folijow, kotrež so maja na stronu ćišćeć.

Ćišćerske nastajenja za cedle do ruki definować

1. Klikńće na rajtark „Cedle do ruki“.

2. Wubjerće Zasadźić – Hłowowa a nohowa linka…, zo byšće dialog Hłowowa a nohowa linka wočinił.

3. Klikńće na Noticy a cedle do ruki , zo byšće tekst hłowowej a nohowej linki za cedle do ruki zapodał.

   Widźiće štyri wobłuki w tutym dialogu z kontrolnymi kašćikami za hłowowa linka, datum a čas, nohowa linka a čisło strony. Tute štyri wobłuki štyrjom wobłukam w róžkach na předłoze za cedle do ruki wotpowěduja.

4. Zapodajće tekst za hłowowu linku, nohowu linku a datum. Stajće hóčku do kontrolneho kašćika Čisło strony, jeli chceće cedle do ruki čisłować. Dźiwajće na to, zo kontrolny kašćik Hłowowa linka je zmóžnjena, jeli chceće, zo so tekst wašeje hłowoweje linki ćišći.

5. Klikńće na Na wšě nałožić.

   Pola w napohledźe předłohi za cedle do ruki na wobrazowce so njeaktualizuja, ale tekst, kotryž sće zapodał, so ćišći.

Cedle do ruki abo noticy ćišćeć

1. Wubjerće Dataja – Ćišćeć.

2. Klikńće do lisćinoweho pola Dokument a wubjerće wobsahowy typ, kotryž so ma ćišćeć.

3. Wubjerće Cedle do ruki abo Noticy a potom ličbu folijow, kotrež so maja na kóždej stronje ćišćeć.

Wobłuk folijow ćišćeć

1. Wubjerće Napohlad – Folijowe sortěrowanje.

2. Dźeržće tastu Umsch (⇧) stłóčenu a klikńće na wobłuk folijow, kotryž chceće ćišćeć.

3. Wubjerće Dataja – Ćišćeć….

4. Klikńće we wobłuku Wobłuk a kopije w rajtarku Powšitkowne na Folije.

5. Zapodajće čisła folijow, kotrež chceće ćišćeć a klikńće na W porjadku.