Konsolu Presenter wužiwać

Konsola Presenter prezentaciju na eksternej wobrazowce (projektora abo telewizora) pokazuje, mjeztym zo so wodźenske elementy prezentacije na wobrazowce ličaka pokazuja.

Konsola Presenter rozdźělne napohlady na wobrazowce wašeho ličaka a na wobrazowce, kotruž publikum widźi, wužiwa, zo by wam wosebitu kontrolu nad prezentacijemi skićiła. Napohlad, kotryž na wobrazowce swojeho ličaka widźiće, aktualnu foliju, přichodnu foliju, na přeco folijowe noticy a stopowku wobsahuje.

Konsola Presenter jenož z dźěłowym systemom funguje, kotryž wjacore wobrazowki podpěruja a jenož, hdyž stej dwě wobrazowce zwjazanej (jedna z njeju móže integrowana laptopowa wobrazowka być).

Konsolu Presenter aktiwizować

Zo byšće konsolu Presenter zmóžnił:

Wubjerće Prezentacija – Nastajenja prezentacije.
Wubjerće we wuběranskim polu Zwobraznjenje – Konsola Presenter pak Połna wobrazowka pak We woknje.

Wobraz dialoga nastajenjow – Impress – Powšitkowne

Zo byšće konsolu Presenter aktiwizował:

Zwjazajće druhu wobrazowku ze swojim ličakom.
Startujće prezentaciju. Tłóčće F5 abo Umsch+F5 abo wubjerće Prezentacija – Z prěnjej foliju započeć abo Z aktualnej foliju započeć.

Wodźenske elementy konsole Presenter

Wróćo: Wróća so k předchadnej foliji.
Dale: Přeńdźe k přichodnej foliji.
Noticy: Pokazuje modus noticow konsole Presenter.
Folija: Pokazuje modus folijoweho sortěrowanja konsole Presenter.
Znowa startować: Startuje stopowku prezentacije znowa.
Wuměnić: Wuměnja napohlady mjez wobrazowku ličaka a wobrazowku prezentacije.
Začinić: Wróća so w modusu noticow a modusu folijoweho sortěrowanja do normalneho modusa.

Tastowe skrótšenki konsole Presenter

Hdyž prezentaciju z Presenter Console pokazujeće, móžeće slědowace tasty wužiwać:

Akcija	Tasta abo tasty
Přichodna folija abo přichodny efekt	Lěwe kliknjenje, šipk doprawa, šipk dele, prózdna tasta, Bild ↓, Enter, Return
Předchadna folija abo předchadny efekt	Prawe kliknjenje, šipk dolěwa, šipk horje, Bild ↑, wróćotasta
Pokazowak myški jako pisak wužiwać	'P'
Wšu barbu z folije zhašeć	'E'
Prěnja folija	Pos1
Poslednja folija	Ende
Předchadna folija bjez efektow	Alt+Bild ↑
Přichodna folija bjez efektow	Alt+Bild ↓
Wobrazowku čornić/hižo nječornić	'B', '.'
Wobrazowku bělić/hižo njebělić	'W', ','
Prezentaciju skónčić	Esc, '-'
K folijowemu čisłu přeńć	Ličba, potom enter
Pismowu wulkosć noticow powjetšić/pomjeńšić	'G', 'S'
Noticy horje/dele kulić	'A', 'Z'
Fokus w noticowym napohledźe wróćo/doprědka pohibować	'H', 'L'
Presenter Console pokazać	Strg+'1'
Prezentaciske noticy pokazać	Strg+'2'
Folijowy přehlad pokazać	Strg+'3'
Monitory přepinać	+'4'
Pokazowak jako pisakowy modus znjemóžnić	+'A'

Modusy konsole Presenter

Normalny modus

Normalny modus aktualnu foliju nalěwo a přichodnu foliju naprawo na wobrazowce ličaka pokazuje.

Normalny modus konsole Presenter

Modus noticow

Modus noticow aktualnu foliju nalěwo, folijowe noticy naprawo a přichodnu foliju pod aktualnej foliju pokazuje.

Modus noticow

Modus folijoweho sortěrowanja

Modus folijoweho sortěrowanja wšě folije na wobrazowce ličaka pokazuje a zmóžnja, wubranu foliju zwonka prezentaciskeho porjada pokazać.

Modus folijoweho sortěrowanja

Přiručka dalokowodźenja Impress