Křiwki wobdźěłać
Křiwkowy segment z dweju datoweju dypkow (kónčneju dypkow) a dweju wodźenskeju (přimkow) wobsteji. Wodźenska linija wodźenski dypk z datowym dypkom zwjazuje. Móžeće twar křiwki změnić, hdyž datowy dypk do hinašeho typa přetworjeće abo wodźenske dypki do druheho městna ćahaće.
Móžeće tež kajkosće linije změnić, hdyž liniju a potom Format – Tekstowe polo a twar – Linija… wuběraće.
Zo byšće datowe dypki a wodźenske dypki křiwki pokazał, wubjerće liniju a klikńće potom na symbol Dypki na symbolowej lajsće Rysowanka. Datowe dypki so přez kwadraty reprezentuja a wodźenske dypki přez kružki. Wodźenski dypk móhł so na datowy dypk naworštować.
Zo byšće křiwkowy segment přiměrił:
-
Wubjerće křiwku a klikńće potom na symbol Dypki na symbolowej lajsće Rysowanka.
-
Přewjedźće jedyn ze slědowacych krokow:
-
Ćehńće datowy dypk, zo byšće wulkosć linije změnił. Jeli wodźenski dypk datowy dypk pokrywa, ćehńće wodźenski dypk, doniž njemóžeće datowy dypk widźeć a ćehńće potom datowy dypk.
-
Ćehńće wodźenski dypk. Křiwka so k směrej ćaha, ke kotremuž wodźenski dypk ćahaće.
Zo byšće křiwku dźělił:
Móžeće křiwku jenož dźělić, hdyž ma tři datowe dypki abo wjace.
-
Wubjerće křiwku a klikńće potom na symbol Dypki na symbolowej lajsće Rysowanka.
-
Wubjerće datowy dypk a klikńće potom na symbol Křiwku dźělić w symbolowej lajsće Dypki wobdźěłać.
Zo byšće začinjeny twar wutworił:
-
Wubjerće křiwku a klikńće potom na symbol Dypki na symbolowej lajsće Rysowanka.
-
Klikńće na symbolowu lajstu Dypki wobdźěłać na symbol Bézierowu křiwku začinić.
Zo byšće datowy dypk na křiwce přetworił:
-
Wubjerće křiwku a klikńće potom na symbol Dypki na symbolowej lajsće Rysowanka.
-
Klikńće na datowy dypk, kotryž chceće přetworić a přewjedźće jedyn ze slědowacych krokow:
-
Zo byšće datowy dypk do łahodneho dypka přetworił, klikńće na symbol Hładki přechad na symbolowej lajsće Dypki wobdźěłać.
-
Zo byšće datowy dypk do symetriskeho dypka přetworił, klikńće na symbol Symetriski přechad w symbolowej lajsće Dypki wobdźěłać.
-
Zo byšće datowy dypk do róžkeho dypka přetworił, klikńće na symbol Róžkowy dypk na symbolowej lajsće Dypki wobdźěłać.
Zo byšće datowy dypk přidał:
-
Wubjerće křiwku a klikńće potom na symbol Dypki na symbolowej lajsće Rysowanka.
-
Klikńće w symbolowej lajsće Dypki wobdźěłać na symbol Dypki zasadźić.
-
Klikńće na liniji, hdźež chceće dypk přidać a ćehńće kusk.
Jeli datowy dypk wodźenski dypk nima, wubjerće datowy dypk a klikńće potom na symbol Do křiwki přetworić w symbolowej lajsće Dypki wobdźěłać.
Zo byšće datowy dypk zhašał:
-
Wubjerće křiwku a klikńće potom na symbol Dypki na symbolowej lajsće Rysowanka.
-
Klikńće na dypk, kotryž chceće zhašeć.
-
Klikńće w symbolowej lajsće Dypki wobdźěłać na symbol Dypki zhašeć.