Křiwki rysować
Symbol Křiwka 
w symbolowej lajsće Rysowanka symbolowu lajstu za rysowanje Bézierowych křiwkow. Bézierowe křiwki so přez startowy dypk a kónčny dypk definuja, kotrež „kótwički“ rěkaja. Křiwizna Bézieroweje křiwki so přez wodźenske dypki („přimki“) definuje. Hdyž wodźenski dypk přesuwaće, so twar Bézieroweje křiwki změni.
Wodźenske dypki su jenož modusu „Dypki wobdźěłać“ widźomne. Wodźenske dypki so přez kružki reprezentuja, kótwicowe dypki přez kwadraty. Startowy dypk je trochu wjetša hač druhe kótwicowe dypki.
Segmenty Bézierowych křiwkow a segmenty runych linijow dadźa so jedyn z druhim zwjazać, zo bychu kompleksniše Bézierowe křiwki tworili. Tři rozdźělne přechady dadźa so wužiwać, zo bychu susodne segmenty zwjazali:
-
Symetriski kótwicowy dypk ma samsnu linijowu křiwiznu na kóždym boku a dwě wodźenskej liniji, kotrejž so zhromadnje kaž runa linija pohibujetej.
-
Łahodny kótwicowy dypk móže rozdźělne linijowe křiwizny na kóždym boku měć.
-
Róžkowy kótwicowy dypk ma jednu njewotwisnu wodźensku liniju abo dwě njewotwisnej wodźenskej liniji. Hdyž jedyn bok měnjeće, so to na druhi bok njewuskutkuje.
Křiwkowy nastroj wužiwać
-
Wočińće w symbolowej lajsće Rysowanka symbolowu lajstu Křiwki
a wubjerće nastroj Křiwka
. -
Klikńće, hdźež so ma křiwka započeć a ćehńće k požadanemu křiwkowemu směrej. Wodźenska linija směr pokazuje.
Dźeržće tastu Umsch (⇧), mjeztym zo ćahaće, zo byšće směr na 45 stopnjow wobmjezował.
-
Pušćće tastu myški, hdźež ma prěni wodźenski dypk być.
-
Pohibujće pokazowak tam, hdźež so ma křiwkowy segment kónčić. Křiwka pokazowakej slěduje.
-
Přewjedźće jedyn ze slědowacych krokow:
-
Klikńće dwójce na poziciju kónčneho dypka, zo byšće liniju dorysował.
Zo byšće začinjeny twar wutworił, klikńće dwójce na startowy dypk linije.
-
Klikńće a pušćće tastu myški, zo byšće kótwicowy dypk přidał. Pohibujće myšku, zo byšće přichodny segment rysował.
-
Klikńće a ćehńće k někajkemu směrej, zo byšće łahodny kótwicowy dypk přidał.
Nastroj wólnoručneje linije wužiwać
-
Wočińće w symbolowej lajsće symbolowu lajstu Křiwki
a wubjerće nastroj wólnoručneje linije. -
Klikńće tam, hdźež so ma křiwka započeć a dźeržće tastu myški stłóčenu.
-
Ćehńće wólnoručnu liniju, kaž byšće smužku z pisakom ćahnył.
-
Pušćće tastu myški, zo byšće liniju skónčił.