Animěrowane GIF-wobrazy wutworić

Móžeće rysowanske objekty, tekstowe objekty a grafiske objekty (wobrazy) na swojich folijach animěrować, zo byšće swoju prezentaciju zajimawšu činił. LibreOffice Impress wam jednory animaciski editor skići, z kotrymž móžeće animaciske wobrazy (framy) wutworić, hdyž objekty na swojej foliji zestajeće. Animaciski efekt so docpěwa, hdyž po wutworjenych statiskich framach rotěrujeće.

Zo byšće animěrowany GIF wutworił:

1. Wubjerće objekt abo skupinu objektow, kotrež chceće do swojeje animacije přewzać a wubjerće Zasadźić – Medije – Animěrowany wobraz….

2. Wuwjedźće jednu ze slědowacych akcijow:

• Klikńće na tłóčatko Objekt nałožić , zo byšće aktualnemu frameu animacije jednotliwy objekt abo skupinu objektow přidał.

• Klikńće na tłóčatko Objekty jednotliwje nałožić , zo byšće separatny animaciski frame za kóždy z wubranych objektow wutworił.

3. Wubjerće we wobłuku Animaciska skupina bitmapowy objekt.

   Zapodajće pokazowanske traće framea a ličbu přeběhow animacije.

4. Zapodajće čisło framea do pola Čisło wobraza.

5. Zapodajće traće aktualneho wobraza w sekundach do pola Traće.

6. Wospjetujće poslednjej dwaj krokaj za kóždy wobraz w swojej animaciji.

   

   Móžeće sej z pomocu wodźenskich elementow nalěwo pódla pola Čisło wobraza přehlad swojeje animacije wobhladać.

   
   

7. Wubjerće ličbu wospjetowanjow animacije w polu Ličba wospjetowanjow.

8. Wubjerće wusměrjenje objektow w polu Wusměrjenje.

9. Klikńće na Wutworić.