2D-objekty do křiwkow, polygonow a 3D-objektow přetworić

Móžeće dwudimensionalne objekty (2D) přetworić, zo byšće rozdźělne twary wutworił. LibreOffice móže 2D-objekty do slědowacych objektowych typow přetworić:

• Skřiwjeny objekt na bazy Bézierowych křiwkow

• Polygonowy objekt, kotryž so z runych linijowych segmentow zestaja

• 3D-objekt z wotsćinom a swěcu

• Rotaciski objekt 3D z wotsćinom a swěcu

Dwaj typaj 3D-objektow

• Statusowa lajsta „3D-scena wubrana“ pokazuje. 3D-sceny so z objektow tworja, kotrež wotměry w koordinatach x, y a z maja. Přikłady su objekty, kotrež su přez symbolowu lajstu „3D-objekty“ zasadźene, a praworóžki, elipsy abo tekst, kotrež su so přez symbole Praworóžk, Elipsa abo Tekst nalěwo w symbolowej lajsće Rysowanka wutworili, abo swójske twary, kotrež so z pomocu kontekstoweho menija „Přetworić – Do 3D“ do 3D přetworjeja. Tute 3D-sceny dadźa so zapodać (na přikład hdyž F3 tłóčiće) a objekty dadźa so w 3D wjerćeć. Microsoft Office tute woprawdźite 3D-objekty njeznaje. Hdyž so tute 3D-sceny do formatow Microsoft Office eksportuja, so foto wobrazowki aktualneho napohlada jako bitmap eksportuje. 3D-hrjady w diagramach tež tutón typ maja.

• Statusowa lajsta „Twar wubrany“ pokazuje. Swójske twary dadźa so w 2D-modusu abo 3D-modusu wobhladać. Móžeće kóždy čas mjez dwěmaj modusomaj přepinać. Móžeće zakładne twary, symbolowe twary a slědowace symbole na symbolowej lajsće Rysowanka wužiwać, zo byšće swójske twary wutworił. Swójske twary dadźa so z pomocu symboloweje lajsty 3D-nastajenja změnić. 3D-scenu njetworja, njedadźa so přez wjacore swěcy wobswětlić, njepokazuja refleksije a su někotre dalše wobmjezowanja. Móžeće je do 3D-scenu přetworić, ale potom hižo njebudu swójske twary. Swójske twary w 2D- abo 3D-modusu dadźa so do formatow Microsoft Office eksportować a z njeho importować.

Zo byšće objekt do křiwki přetworił:

1. Wubjerće 2D-objekt na foliji abo stronje.

2. Klikńće z prawej tastu a wubjerće Přetworić – Do křiwki.

Zo byšće twar objekta změnił, klikńće na symbol Dypki na symbolowej lajsće Rysowanka a ćehńće přimki objekta. Móžeće tež wodźenske dypki přimka ćahnyć, zo byšće twar křiwki změnił.

Zo byšće 2D-objekt do polygona přetworił:

1. Wubjerće 2D-objekt na foliji abo stronje.

2. Klikńće z prawej tastu na objekt a wubjerće Přetworić – Do polygona.

Zo byšće twar objekta změnił, klikńće na symbol Dypki na symbolowej lajsće Rysowanka a ćehńće přimki objekta.

Zo byšće 2D-objekt do 3D-objekta přetworił:

1. Wubjerće 2D-objekt na foliji abo stronje.

2. Klikńće na symbol Ekstruziju přepinać na symbolowej lajsće Rysowanka abo klikńće z prawej tastu na objekta a wubjerće Přetworić – Do 3D.

Zo byšće kajkosće 3D-objekta wobdźěłał, wužiwajće symbolowu lajstu Linija a pjelnjenka a symbolowu lajstu 3D-nastajenja.

Zo byšće 2D-objekta do rotaciskeho objekta 3D přetworił:

Rotaciski objekt 3D přez wjerćenje wubraneho objekta wokoło jeho wertikalneje wóski nastawa.

1. Wubjerće 2D-objekt na foliji abo stronje.

2. Klikńće z prawej tastu na objekt a wubjerće Přetworić – Do rotaciskeho objekta 3D

Zo byšće kajkosće 3D-objekta wobdźěłał, wužiwajće symbolowu lajstu Linija a pjelnjenka a symbolowu lajstu 3D-nastajenja.