Pomoc za LibreOffice 25.2
Wočinja symbolowu lajstu 3D-objekty. Objekty su třidimensionalne, z hłubokosću, wobswětlenjom a refleksiju. Kóždy zasadźeny objekt najprjedy 3D-scenu twori. Móžeće F3 tłóčić, zo byšće scenu zapodał. Za tute 3D-objekty móžeće dialog 3D-efekty wočinić, zo byšće kajkosće wobdźěłał.
3D-objekty
Zo byšće 3D-objekt wokoło jeho třoch wóskow wjerćał, klikńće, zo byšće objekt wubrał a klikńće potom hišće raz, zo byšće wjertne přimki pokazał. Ćehńće přimk k směrej, ke kotremuž so ma objekt wjerćeć.
Rysuje wupjelnjenu kóstku, hdźež w foliji ćahaće. Zo byšće 3D-praworóžk rysował, dźeržće tastu Umsch (⇧) stłóčenu, mjeztym zo ćahaće.
Kóstka
Rysuje wupjelnjenu kulu, hdźež w foliji ćahaće. Zo byšće kulojte ćěleso rysował, dźeržće tastu Umsch (⇧) stłóčenu, mjeztym zo ćahaće.
Kula
Rysuje cylinder, kotryž na kruhu bazuje, hdźež w foliji ćahaće. Zo byšće cylinder rysował, kotryž na elipsy bazuje, dźeržće tastu Umsch (⇧) stłóčenu, mjeztym zo ćahaće.
Cylinder
Rysuje kehel, kotryž na kruhu bazuje, hdźež w foliji ćahaće. Zo byšće kehel rysował, kotryž na elipsy bazuje, dźeržće tastu Umsch (⇧) stłóčenu, mjeztym zo ćahaće.
Kehel
Rysuje pyramidu z kwadratiskej bazu, hdźež w foliji ćahaće. Zo byšće pyramidu z praworóžkatej bazu rysował, dźeržće tastu Umsch (⇧) stłóčenu, mjeztym zo ćahaće. Zo byšće druhi polygon jako bazu pyramidy definował, wočińće dialog 3D-efekty a klikńće na rajtark Geometrija. Zapodajće we wobłuku Segmenty ličbu folijow za polygon do pola z popisom Wodoruny a klikńće potom na zelenu hóčku.
Pyramida
Rysuje kołojty objekt, kotryž na kruhu bazuje, hdźež w foliji ćahaće. Zo byšće torus rysował, kotryž na elipsy bazuje, dźeržće tastu Umsch (⇧) stłóčenu, mjeztym zo ćahaće.
Torus
Rysuje škličkojty objekt, kotryž na kruhu bazuje, hdźež w foliji ćahaće. Zo byšće škličku rysował, kotraž na elipsy bazuje, dźeržće tastu Umsch (⇧) stłóčenu, mjeztym zo ćahaće.
Šklička
Rysuje jednu połkulu, hdźež w foliji ćahaće. Zo byšće poł kulojteho ćělesa rysował, dźeržće tastu Umsch (⇧) stłóčenu, mjeztym zo ćahaće.
Połkula