Křiwki a polygony.

Symbol Křiwki a polygony na symbolowej lajsće Rysowanka symbolowu lajstu Linije wočinja, hdźež móžeće aktualnej foliji linije a twary přidać.

Jeli tastu Umsch (⇧) stłóčenu dźeržiće, so pohib myški na wjacore 45 stopnjow wobmjezuje. Jeli tastu stłóčenu dźeržiće, so nowy dypk z poslednim dypkom njezwjazuje. To wam zmóžnja, objekty wutworić, kotrež so z křiwkow zestajeja, kotrež zwjazane njejsu. Jeli mjeńši objekt do wjetšeho objekta rysujeće, kotryž hišće njejsće začinił, mjeztym zo tastu stłóčenu dźeržiće, so mjeńši objekt wot wjetšeho objekta subtrahuje, jewi so tuž jako dźěra we wjetšim objekće.

Začinjene twary awtomatisce pjelnjenku dóstawaja, kotraž so w polu Stil/pjelnjenje płoniny w symbolowej lajsće Linija a pjelnjenka pokazuje.

Křiwka, wupjelnjena

Rysuje wupjelnjeny začinjeny twar, kotryž na Bézierowej křiwce bazuje. Klikńće, hdźež so ma křiwka započeć, ćehńće, pušćće a pohibujće potom pokazowak tam, hdźež so ma křiwka skónčić a klikńće. Pohibujće pokazowak a klikńće znowa, zo byšće křiwce runy linijowy segment přidał. Klikńće dwójce, zo byšće twar začinił.

Křiwka, wupjelnjena

Wjeleróžk, wupjelnjeny

Rysuje začinjeny twar, kotryž so z runych linijowych segmentow zestaja. Klikńće tam, hdźež ma so polygon započeć a ćehńće, zo byšće linijowy segment rysował. Klikńće hišće raz, zo byšće kónc linijoweho segmenta definował a klikńće dale, zo byšće zbytne linijowe segmenty polygona definował. Klikńće dwójce, zo byšće rysowanje polygona skónčił. Zo byšće polygon na wjacore 45 stopnjow wobmjezował, dźeržće tastu Umsch (⇧) stłóčenu, hdyž klikaće.

Wjeleróžk, wupjelnjeny

Wjeleróžk (45°), wupjelnjeny

Rysuje začinjeny twar, kotryž so z runych linijowych segmentow zestaja, kotrež su na kuty 45 stopnjow wobmjezowane. Klikńće, hdźež chceće polygon startować a ćehńće, zo byšće linijowy segment rysował. Klikńće znowa, zo byšće kónc linijoweho segmenta definował a klikńće dale, zo byšće zbytne linijowe segmenty polygona definował. Klikńće dwójce, zo byšće rysowanje polygona skónčił. Zo byšće polygon rysował, kotryž na kut 45 stopnjow wobmjezowany njeje, dźeržće tastu Umsch (⇧) stłóčenu, hdyž klikaće.

Wjeleróžk (45°), wupjelnjeny

Wólnoručna linija, wupjelnjena

Rysuje wólnoručnu liniju, hdźež we folije ćahaće. Hdyž pušćeće, LibreOffice runy linijowy segment wot kónčneho dypka do startoweho dypka linije rysuje, zo by začinjeny twar wutworił. Twar so znutřka linijow z aktualnej barbu płoniny pjelni.

Wólnoručna linija, wupjelnjena

Křiwka

Rysuje hładku Bézierowu křiwku. Klikńće, hdźež křiwka ma so započeć, ćehńće, pušćće a pohibujće pokazowak tam, hdźež křiwka ma so kónčić a klikńće. Pohibujće pokazowak a klikńće znowa, zo byšće křiwce runy linijowy segment přidał. Klikńće dwójce, zo byšće rysowanje křiwki dokónčił. Zo byšće zawrjenu křiwku wutworił, klikńće dwójce na spočatny dypk křiwki. Łuk křiwki so po přehonje postaja, kotryž ćahaće.

Křiwka

Polygon

Rysuje liniju, kotraž so rjad runych linijowych segmentow zestaja. Ćehńće, zo byšće linijowy segment rysował, klikńće, zo byšće kónčny dypk linijoweho segmenta definował, a ćehńće potom, zo byšće nowy linijowy segment rysował. Klikńće dwójce, zo byšće rysowanje linije dokónčił. Zo byšće zawrjeny twar wutworił, klikńće dwójce na spočatny dypk linije.

Dźeržće tastu Umsch (⇧), mjeztym zo polygon rysujeće, zo byšće nowe dypki w nuhelach 45 stopnjow pozicioněrował.

Modus Dypki wobdźěłać wam zmóžnja, jednotliwe dypki polygona interaktiwnje změnić.

Polygon

Polygon (45°)

Rysuje liniju z rjada runych linijowych segmentow, kotrež so na kuty 45 stopnjow wobmjezuje. Ćehńće, zo byšće linijowy segment rysował, klikńće, zo byšće kónčny dypk linijoweho segmenta definował, a ćehńće potom, zo byšće nowy linijowy segment rysował. Klikńće dwójce, zo byšće rysowanje linije skónčił. Zo byšće začinjeny twar wutworił, dźeržće tastu stłóčenu a klikńće dwójce.

Polygon (45°)

Wólnoručna linija

Rysuje tam wólnoručnu liniju, hdźež w aktualnym dokumenće ćahaće. Zo byšće liniju skónčił, pušćće tastu myški. Zo byšće zawrjeny twar rysował, pušćće tastu myški blisko spočatneho dypka linije.

Wólnoručna linija