Efekt

Podawa nastajenja a polěpšenja za aktualny efekt w dialogu Efektowe nastajenja.

Nastajenja

Za někotre efekty dadźa so nastajenja na rajtarku Efekt postajić.

Směr

Podawa směr za efekt.

Pospěšeny start

Zmóžńće tute nastajenje, zo byšće spočatkej efekta poněčim přiběracu spěšnosć připokazał.

Spomaleny kónc

Zmóžńće tute nastajenje, zo byšće kóncej efekta poněčim woteběracu spěšnosć připokazał.

Polěpšenja

Podawa polěpšenja za aktualny efekt.

Zynk

Wubjerće zynk z galerije abo wubjerće jedyn z specialnych zapiskow.

• Žadyn zynk – w běhu animacije efekta so zynk njewothrawa.

• Předchadny zynk zastajić – zynk předchadneho efekta so zastaji, hdyž so aktualny efekt wuwjedźe.

• Druhi zynk – pokazuje datajowy dialog, zo byšće zynkowu dataju wubrał.

Tłóčatko Zynk

Wothrawa wubranu zynkowu dataju.

Po animaciji

Wubjerće barbu, kotraž so ma pokazać, hdyž so animacija kónči abo wubjerće druhi sćěhowy efekt z lisćiny.:

• Z barbu wosłabić – po animaciji wosłabjaca barba twar pjelni.

• Njewosłabić – sćěhowy efekt so njewuwjedźe.

• Po animaciji schować – chowa twar po kóncu animacije.

• Při přichodnej animaciji schować – chowa twar při přichodnej animaciji.

Wosłabjaca barba

Wubjerće wosłabjacu barbu.

Tekstowa animacija

Wubjerće animaciski modus za tekst aktualneho twara:

• Wšě naraz – animěruje cyłkowny tekst naraz.

• Słowo po słowje – animěruje tekst słowo po słowje.

• Pismik po pismiku – animěruje tekst pismik po pismiku.

Dlijenje mjezy znamješkami

Podawa procentowu sadźbu dlijenja mjez animacijemi słowow abo pismikow.