Wotměrjenje
Měnja dołhosć, měry a kajkosće wubraneje měrjenske linije.
Jeli chceće linijowy stil abo šipkowy stil měrjenskeje linije změnić, wubjerće Format – Linija.
Měrjenska linija so přeco na runinje zasadźuje, kotraž Měrjenske linije rěka. Jeli sće nastajił, zo ta runina je njewidźomna, njebudźeće měrjensku liniju w swojej rysowance widźeć.
Linija
Nastaja wotstup měrjenskeje linije a pomocne linije mjez nimi a wot zakładneje.
-
Linija wotměry
-
Měrjenski tekst
-
Linijowy wotstup
-
Přewis pomocnych linijow
-
Wotstup pomocnych linijow
-
Zakładna linija
-
Lěwa pomocna linija
-
Prawa pomocna linija
Linijowy wotstup
Podawa wotstup mjez měrjenskej liniju a zakładnej liniju (linijowy wotstup = 0).
Přewis pomocnych linijow
Podawa dołhosć praweje a lěweje pomocneje linije započinajo z liniju wotměry. Pozitiwne hódnoty pomocne linije nad liniju wotměry rozšěrjeja a negatiwne hódnoty pomocne linije pod liniju wotměry rozšěrjeja.
Wotstup pomocnych linijow
Podawa dołhosć lěweje a praweje pomocneje linije započinajo ze zakładnej liniju (linijowy wotstup = 0). Pozitiwne hódnoty pomocne linije nad zakładnu liniju rozšěrjeja a negatiwne hódnoty pomocne linije pod zakładnu liniju rozšěrjeja.
Lěwa pomocna linija
Podawa dołhosć lěweje pomocneje linije, kotrež so na měrjenskej liniji započina. Pozitiwne hódnoty pomocnu liniju pod měrjenskej liniju rozšěrjeja a negatiwne hódnoty pomocnu liniju nad měrjenskej liniju rozšěrjeja.
Prawa pomocna linija
Podawa dołhosć praweje pomocneje linije, kotrež so na měrjenskej liniji započina. Pozitiwne hódnoty pomocnu liniju pod měrjenskej liniju rozšěrjeja a negatiwne hódnoty pomocnu liniju nad měrjenskej liniju rozšěrjeja.
Měrjenska linija pod objektom
Wobroća kajkosće we wobłuku Linija.
Decimalne městna
Podawa ličbu decimalnych městnow, kotrež so za pokazowanje linijowych kajkosćow wužiwaja.
Legenda
Nastaja kajkosće měrjenskeho teksta.
Tekstowa pozicija
Postaja poziciju měrjenskeho teksta nastupajo měrjensku liniju a pomocne linije.
Wotstrońće hóčce z kontrolneju kašćikow Awtomatisce padoruny a Awtomatisce wodoruny, prjedy hač tekstowu poziciju připokazujeće.
Awtomatisce padoruny
Postaja optimalnu wertikalnu poziciju za měrjenski tekst.
Awtomatisce wodoruny
Postaja optimalnu horicontalnu poziciju za měrjenski tekst.
Měrjenske jednotki pokazać
Pokazuje abo chowa měrjenske jednotki. Móžeće tež měrjensku jednotku z lisćiny wubrać.
Paralelnje k pomocnej liniji
Pokazuje tekst paralelnje k měrjenskej linije abo wo 90 stopnjow přestajeny.
Klikńće z prawej tastu, zo byšće přehlad redukował a klikńće z lěwej tastu, zo byšće přehlad powjetšił.
