Hłowowa a nohowa linka

Přidawa abo měnja tekst w městodźeržićelach horjeka a deleka na folijach a folijowych předłohach.

Dialog Hłowowa a nohowa linka slědowace rajtarki wobsahuje:

• Rajtark Folija, hdźež móžeće nastajenja za aktualnu foliju abo za wšě folije podać.

• Rajtark Noticy a cedle do ruki, hdźež móžeće nastajenja za noticy a cedle do ruki podać.

Wšěm folijam hłowowu abo nohowu linku přidać

Předłohu změnić a přidać

Na foliji pokazać

Podajće elementy, kotrež so maja na wašich folijach pokazać.

Hłowowa linka

Přidawa tekst, kotryž do pola Tekst za hłowowu linku horjeka na foliji zapodawaće.

Tekst hłowoweje linki

Přidawa tekst, kotryž horjeka na foliji zapodawaće.

Datum a čas

Přidawa foliji datum a čas.

Njezměnity

Pokazuje datum a čas, kotrejž do tekstoweho pola zapodawaće.

Wariabelny

Pokazuje datum a čas, hdyž je so folija wutworiła. Wubjerće datumowy format z lisćiny.

Rěč

Wubjerće rěč za datumowy a časowy format.

Nohowa linka

Přidawa tekst, kotryž do pola Tekst za nohowu linku deleka na foliji zapodawaće.

Tekst za nohowu linku

Přidawa tekst, kotryž deleka na foliji zapodawaće.

Folijowe čisło/Čisło strony

Přidawa folijowe čisło abo čisło strony.

Na prěnjej foliji njepokazać

Njepokazuje waše podate informacije na prěnjej foliji wašeje prezentacije.

Na wšě nałožić

Nałožuje nastajenja na wšě folije we wašej prezentaciji, mjez nimi wotpowědne folijowe předłohi.

Nałožić

Nałožuje aktualne nastajenja na wubrane folije.