OpenCL
OpenCL je technologija za pospěšenje wobličenjow we wulkich tabelowych dokumentach.
OpenCL™ je prěni wotewrjeny, bjezlicencny standard za platformu přesahowace, paralelne programowanje modernych procesorow w personalnych kompjuterach, serwerach a ručnych/zasadźenych gratach. OpenCL (Open Computing Language) wo wjele spěšnosć a reakcisku kmanosć za wulku ličbu nałoženjow w mnoholičbnych wičnych kategorijach polěpšuje, wot hrajneje a zabawjenskeje do wědomostneje a medicinskeje softwary
Za dalše informacije wo OpenCL hlejće sydło https://de.wikipedia.org/wiki/OpenCL (němsce)
Po standardźe je OpenCL w LibreOffice zmóžnjeny. Hdyž je zmóžnjeny, OpenCL GPU (graphics processing unit, grafikowa předźěłanska jednotka) grata za krótši wukonowy čas za wobličenja zwužitkuje. To je wužitne, hdyž z wulkimi tabelowymi dokumentami w LibreOffice Calc dźěłaće, kotrež sej wobličenja z wulkimi sadźbami datow wužaduja.
Nastajenja OpenCL
Jeli OpenCL je hižo zmóžnjeny, dialog OpenCL je za wužiwanje k dispoziciji pokazuje. Jeli OpenCL tuchwilu zmóžnjeny njeje, dialog OpenCL so njewužiwa pokazuje.
Wužiwanje OpenCL zmóžnić
Zmóžńće abo znjemóžńće tutón kontrolny kašćik, zo byšće OpenCL zmóžnił abo znjemóžnił. Wubjerće Nałožić abo W porjadku, zo byšće nastajenja aktualizował. Zo bychu so změny wuskutkowali, dyrbi so LibreOffice znowa startować.
OpenCL wot disponujomnosće ćěrjakow za hardware wašeho ličaka wotwisuje. Jeli OpenCL po standardźe zmóžnjeny njeje, ćěrjaki w statusu fungowanja njejsu, njeeksistuja abo njejsu instalowane.