Aktualizacija online

Podawa někotre nastajenja za awtomatiske zdźělenje a sćahowanje aktualizacijow online do LibreOffice.

Aktualizacija online je modul, kotryž so po standardźe instaluje.

Nastajenja za aktualizaciju online

Awtomatisce aktualizacije pytać

Markěrujće zapisk, zo byšće prawidłownje aktualizacije online pytał a wubjerće potom časowy interwal, kak husto LibreOffice ma so za aktualizacijemi online pytać. LibreOffice budźe raz wob dźeń, tydźeń abo měsac pytać, hdyž so fungowacy internetny zwisk namaka. Jeli přez proksyserwer z internetom zwjazujeće, nastajće proksy w – Internet – Proksy.

Hdyž aktualizacije je k dispoziciji, symbol w menijowej lajsće trochu wujasnjaceho teksta pokazuje. Klikńće na symbol, zo byšće pokročował.

Jeli přepruwowanje znjemóžnjeće, so symbol z menijoweje lajsty wotstroni.

Kóždy dźeń

Přepruwowanje so jónkróć wob dźeń přewjedźe.

Kóždy tydźeń

Přepruwowanje so jónkróć wob tydźeń přewjedźe. To je standardne nastajenje.

Kóždy měsac

Přepruwowanje so jónkróć wob měsac přewjedźe.

Nětko pytać

Přepruwowanje so nětko přewjedźe.

Sćehnjenski cil

Pokazuje wubrany rjadowak za sćehnjene dataje.

Aktualizacije awtomatisce sćahnyć

Zmóžńće awtomatiske sćehnjenje aktualizacijow do podateho rjadowaka.

Změnić

Klikńće, zo byšće cilowy rjadowak za sćehnjene dataje wubrał.

Useragent

Zmóžńće přepruwowanje, zo byšće informacije wo swojej wersiji LibreOffice, dźěłowym systemje a zakładnej hardware pósłał. Tute informacije so wužiwaja, zo by so sćehnjenje optimowało.