Rozšěrjene

Podawa podpěranske nastajenja za nałoženja Java w LibreOffice, mjez nimi, kotra Java Runtime Environment (JRE, wuwjedźenskočasowa wokolina) ma so wužiwać. Podawa tež, hač so maja eksperimentelne (instabilne) funkcije kaž natočenje makrow a ekspertowe nastajenja wužiwać.

Přistup k tutomu přikazej …

Wubjerće – LibreOffice – Rozšěrjene.


Wobraz dialoga nastajenjow Rozšěrjene

warning

Někotre nastajenja njedadźa so wróćo stajić, hdyž su so wobdźěłali. Stajće pak změny manuelnje wróćo pak klikńće na Přetorhnyć a wočińće zaso dialog Nastajenja.


Nastajenja Java

note

Aktualna lisćina modulow a resursow LibreOffice, kotrež wot Java wotwisuja, je we wikiju k dispoziciji.


Wuwjedźenskočasowu wokolinu Java wužiwać

Zmóžnja wam, nałoženja Java w LibreOffice wuwjesć. Hdyž nałoženje Java pospytuje, přistup ke krutej tačeli dóstał, so zdźělenka zjewi.

Hižo instalowane wuwjedźenskočasowe wokoliny Java (JRE):

Wubjerće JRE, kotruž chceće wužiwać. Na někotrych systemach dyrbiće mjeńšinu čakać, doniž so lisćina njepjelnja. Na někotrych systemach dyrbiće LibreOffice znowa startować, zo byšće swoje změnjene nastajenje wužiwał. Šćežka k JRE so pod lisćinowym polom pokazuje.

Móžeće standardny JRE dźěłoweho systema z jednej ze slědowacych alternatiwow přepisać:

Přidać

Přidajće korjenjowemu rjadowakej JRE šćežku na swojim ličaku. Šćežka so w slědowacym dialogu nastaja:

Parametry

Wočinja dialog Startowe parametry Java.

Klasowa šćežka

Wočinja dialog Klasowa šćežka.

Opcionalne funkcije

Eksperimentelne funkcije zmóžnić

Zmóžnja funkcije, kotrež hišće njejsu dokónčene abo móža znate zmylki wobsahować. Lisćina tutych funkcijow je wersiju wot wersije druha, abo móže samo prózdna być.

Natočenje makrow zmóžnić

Zmóžnja natočenje makrow. Menijowy zapisk Nastroje – Makra – Makro natočić je k dispoziciji.

Ekspertowe nastajenja

Wočinja dialog Ekspertowe nastajenja za rozšěrjene nastajenja a konfiguraciju LibreOffice.

Prošu podpěrajće nas!