Ekspertowe nastajenja

Wočinja dialog ekspertowych nastajenjow za rozšěrjene nastajenja a konfiguraciju LibreOffice. Dialog ekspertowych nastajenjow wužiwarjam přistup k stam konfiguraciskich nastajenjow LibreOffice zmóžnja a wjele z nich we wužiwarskim powjerchu abo w dialogach nastajenjow k dispoziciji njeje.

Z dialogom ekspertowych nastajenjow maće přistup k nastajenjam, kotrež móžeće wobdźěłać a składować a kotrež móža waš wužiwarski profil LibreOffice wobškodźić. Přez to móže wužiwarski profil instabilny, inkonsistentny abo samo njewužiwajomny być. Pokročujće z tym jenož, jeli wěsće, štož činiće.

Přistup k tutomu přikazej …

Z menijoweje lajsty:

Wubjerće – LibreOffice – Rozšěrjene – Ekspertowu konfiguraciju wočinić.

Z powjercha z rajtarkami:

Klikńće w rajtarku Nastroje na tłóčatko Nastajenja… a wubjerće potom LibreOffice – Rozšěrjene – Ekspertowu konfiguraciju wočinić.

Ekspertowe nastajenja systemowu instalaciju LibreOffice na wašim ličaku njezměnja.

Zapodawanske polo tekstoweho pytanja

Zapodajće nastajenje, kotrež chceće w tekstowym polu pokazać. Klikńće potom na tłóčatko Pytać.

Tłóčatko Pytać

Klikńće, zo byšće tekst swojeho nastajenja w štomje nastajenjow pytał.

Štom nastajenjow

Nalistuje nastajenja hierarchisce w štomowym napohledźe. Zo byšće hałzy wočinił, klikńće dwójce na symbol (+). Hdyž nastajenje je widźomne w štomje, móžeće jo wobdźěłać.

Mjeno nastajenja

Mjeno nastajenja.

Kajkosć

Pokazuje mjeno kajkosće nastajenja.

Typ

Definuje typ kajkosće. Płaćiwe typy su:

string: Alfanumeriske hódnoty;
long: cyłe ličby
boolean: hódnota true abo false;
void: kajkosće typa void njedadźa so změnić.

Hódnota

Aktualna hódnota kajkosće.

Wobdźěłać

Wočinja dialog za wobdźěłowanje nastajenja.

Klikńće dwójce do linki nastajenja, zo byšće aktualne hódnoty typa „string“ a „long“ abo „boolean“ wobdźěłał.

Wróćo stajić

Staja změny wróćo, kotrež su so w tutym dialogu přewjedli.