Basic IDE

Definuje nastajenja za Basic IDE (integrowana wuwiwanska wokolina), kotrež pomhaja makra w Basic wobdźěłać.

Přistup k tutomu přikazej …

Wubjerće – LibreOffice – Basic IDE.

Wudospołnjenje koda

Tuta funkcija programowarjej Basic pomha, kod wudospołnić, zadźěwa wobšěrnemu pisanskemu dźěłu a pomha programowe zmylki redukować.

Wudospołnjenje koda zmóžnić

Pokazuje metody objekta Basic. Wudospołnjenje koda metody objekta Basic pokaza, pod wuměnjenjom, zo objekt je rozšěrjeny UNO-typ a nastajenje „Rozšěrjene typy wužiwać“ je tež zmóžnjene. Njefunguje z powšitkownymaj typomaj Basic objekt abo druhimi.

Hdyž wariabla je tykačka abo struktura UNO, so lisćinowe polo zjewi, hdyž dypk za mjenom wariable (na přikład aVar. tłóčiće [lisćinowe polo so zjewi]. Jeho metody a wariable su w lisćinowym polu nalistowane, kaž so runje tak pod nim pokazuje. Móžeće mjez namjetowanymi metodami a wariablemi ze šipowymi tastami nawigěrować. Zo byšće wubrany zapisk zasadźił, tłóčće tastu Enter abo klikńće dwójce z myšku na njón. Zo byšće lisćinowe polo přetorhnył, tłóčće tastu Esc.

Hdyž mjeno metody zapodawaće a tabulatorowu tastu tłóčiće, so wubrany zapisk wudospołnja; hdyž tabulatorowu tastu znowa tłóčiće, so wotpowědniki z najdlěšim prefiksom cyklisce přeběža. Hdyž so na přikład aVar.aMeth zapodawa, so zapiski aMeth1, aMethod2, aMethod3 cyklisce přeběža, a druhe zapiski schowane njejsu.

Přikład:


    Dim aPicker As com.sun.star.ui.dialogs.XFilePicker

je płaćiwa wariablowa definicija, k jeho metodźe maće přez dypkowy operator („.“) přistup:


    aPicker.getDisplayDirectory()

Kodowy namjet

To su kodowe pomocki za programowarjow Basic.

Awtokorektura

Korigujće w někotrych padach wariable a klučowe słowa Basic za zapodaće. IDE LibreOffice Basic pisanje instrukcijow Basic a wariablow Basic wašeho koda změni, zo by waš programowanski stil a čitajomnosć polěpšił. Změny koda na wariablowych deklaracijach programa a na analyzowanych přikazach LibreOffice Basic bazuja.

Přikład:


    Dim intVar as Integer

A hdyž Intvar pisaće, so pisanje do intVar změni, zo by pisanju w deklaraciji intVar wotpowědował.

Klučowe słowa Basic so tež koriguja (lisćina klučowych słowow so z parsera přewozmje).

Přikłady:

Integer, String, ReDim, ElseIf, etc...

Pazorki awtomatisce začinić

Pazorki so awtomatisce začinjeja. IDE LibreOffice Basic začinjacy dźěl pazorkow kóždy raz přidawa, hdyž prěni dźěl pazorkow zapodawaće. To je praktiske, hdyž so znamješkowe rjećazki do koda Basic zasadźuja.

Spinki awtomatisce začinć

Spinki so awtomatisce začinjeja. IDE LibreOffice Basic zadnju spinku „)“ kóždy raz přidawa, hdyž prědnju spinku „(“ zapodawaće.

Procedury awtomatisce začinić

Začinjace instrukcije so awtomatisce za procedury zasadźeja. IDE LibreOffice Basic budźe instrukciju End Sub abo End Function přidawać, hdyž instrukciju Sub abo Function zapodawaće a Enter tłóčiće.

Rěčne funkcije

Rozšěrjene typy wužiwać

Zmóžnja, z objektowymi typami UNO kaž z płaćiwymi typami Basic wobchadźeć. Tuta funkcija standardne typy programowanskeje rěče Basic wo typy UNO LibreOffice rozšěrja. To programowarjej zmóžnja, wariable z prawym typom UNO definować a je trěbne za kodowe wudospołnjenje.

Přikład:


    Sub Some_Calc_UNO_Types
    REM A spreadsheet object
        Dim oSheet As com.sun.star.sheet.XSpreadsheet
        oSheet = ThisComponent.getSheets().getByIndex(0)
    REM A cell object
        Dim oCell As com.sun.star.table.XCell
        oCell = oSheet.getCellByPosition(0,0)
    End Sub

Wužiwanje rozšěrjenych typow UNO w programach Basic móže kompatibelnosć programa wobmjezować, hdyž so w druhich běrowowych paketach wuwjedźe.

IDE Basic