Kompleksne tekstowe wuhotowanje

Definuje nastajenja za dokumenty z kompleksnym tekstowym wuhotowanjom.

Sekwencna kontrola

W rěčach kaž thaišćina su prawidła, kotrež postajeja, zo wěste znamješka pódla druhich znamješkow dowolene njejsu. Jeli sekwencna kontrola je zmóžnjena, LibreOffice znamješko pódla druheho njedowoluje, jeli tute je přez prawidło zakazane.

Sekwencnu kontrolu wužiwać

Zmóžnja sekwencnu kontrolu za rěče kaž thaišćina.

Wobmjezowany

Zadźěwa wužiwanju kaž tež ćišćenju njedowolenych znamješkowych kombinacijow.

Kursorowe wodźenje

Wubjerće typ pohiba tekstoweho kursora a tekstoweho wuběra za měšany tekst (tekstowy směr wotprawa dolěwa měšany z wotlěwa doprawa).

Logiske

Hdyž prawu šipowu tastu tłóčiće, so tekstowy kursor ke kóncej aktualneho teksta pohibuje. Hdyž lěwu šipowu tastu tłóčiće, so tekstowy kursor k spočatkej aktualneho teksta pohibuje.

Wizuelny

Hdyž prawu šipowu tastu tłóčiće, so tekstowy kursor doprawa pohibuje. Hdyž lěwu šipowu tastu, so tekstowy kursor dolěwa pohibuje.

Powšitkowne nastajenja

Cyfry (jenož w teksće)

Wuběra typ cyfrow w teksće, teksće w objektach, polach a wodźenskich elementach we wšěch modulach LibreOffice. Jenož celowy wobsah LibreOffice Calc potrjecheny njeje.

• Arabske: Wšě ličby so jako arabske ličby (1, 2, 3…) pokazuja. To je standard.

• Wuchodnoarabske: Wšě ličby so jako wuchodnoarabske ličby ((١‎, ٢‎, ٣...) pokazuja.

• System: Wšě ličby so jako arabske abo wuchodnoarabske ličby pokazuja, po narodnych nastajenjach, kotrež su w narodnych nastajenjach wašeho systema definowane.

• Kontekst: Ličby so jako arabske, wuchodnoarabske abo druhe ličby pokazuja, po narodnych nastajenjach, kotrež su přez kontekst definowane: wobdawacy tekst abo znamješkowy format. Cyfry dadźa so w druhich rěčach zwobraznić (Amharšćina, Birmašćina, Odia atd.).

Tute nastajenje so w dokumenće njeskładuje, ale w konfiguraciji LibreOffice.