Nastajenja

Definuje formlowe nastajenja, kotrež za wšě dokumenty płaća.

Ćišćerske nastajenja

Titul

Podawa, hač chceće mjeno dokumenta ćišćeć.

Formlowy tekst

Podawa, hač so ma wobsah wokna Přikazy deleka na wućišću ćišćeć.

Ramik

Nałožuje ćeńki ramik na formlowy wobłuk we wućišću. Titul a Formlowy tekst so jenož zaramikujetej, jeli wotpowědny kontrolny kašćik je aktiwny.

Ćišćerski format

Originalna wulkosć

Ćišći formlu, bjeztoho zo by so aktualna pismowa wulkosć přiměriła. Je móžno, zo so při wulkich formlach dźěl přikazoweho teksta wotrězuje.

Wulkosći přiměrić

Přiměrjuje formlu na format strony, kotryž so we wućišću wužiwa. Woprawdźita wulkosć so přez wužity papjerowy format postaja.

Skalowanje

Pomjeńšuje abo powjetšuje wulkosć wućišćaneje formle wo podaty powjetšowacy faktor. Zapodajće požadany powjetšowacy faktor direktnje do wodźenskeho elementa Skalowanje, abo nastajće hódnotu z pomocu šipowych tastow.

Dalše nastajenja

Wizuelne wobdźěłanje zmóžnić

Zmóžnja direktne wobdźěłanje formlow we woknje formloweho pokazanja. Tute nastajenje je po standardźe znjemóžnjene.

~ a ' na kóncu linki ignorować

Podawa, zo so tute zastupowace symbole wotstronja, jeli su na kóncu linki. W staršich wersijach LibreOffice so přidawanje tajkich znamješkow na kóncu linki tomu zadźěwaše, zo so prawa kroma formle při ćišćenju wotrězuje.

Jenož wužite symbole zasadźić (mjeńša datajowa wulkosć)

Składuje jenož te symbole z kóždej formlu, kotrež so w tej formli wužiwaja. W staršich wersijach LibreOffice su so wšě symbole z kóždej formlu składowali.

Róžkate, kulojte a zhibowane spinki awtomatisce začinić

Skići začinjacu róžkatu spinku, kulojtu spinku abo kwaklatu spinku, hdyž so wotpowědne wočinjace znamješko w formlowym editorje zapodawa.

Zapodawanske wokno za skalowanski faktor

Redukuje abo powyšuje wulkosć formloweho koda přez wěsty skalowanski faktor.