Formlowe nastajenja

Definuje syntaksowe nastajenja za formle a začitanske nastajenja za Calc.

Formlowe nastajenja

Formlowa syntaksa

Su tři móžnosće. Přikład: W přikładowym tabelowym dokumenće stej dwě dźěłowej tabeli, Tabela1 a Tabela2. W celi A1 tabele Tabela1 je poćah k celi C4 tabele Tabela2.

• Calc A1 – To je standard LibreOffice Calc. Poćah budźe =$Tabela2.C4

• Excel A1 – To je standard Microsoft Excel. Poćah budźe =Tabela2!C4

• Excel R1C1 - To je relatiwne linkowe/špaltowe adresowanje, znate z Microsoft Excel. Poćah budźe =Sheet2!R[3]C[2]

Jendźelske mjena funkcijow wužiwać

W LibreOffice Calc dadźa so funkciske mjena přełožić. Po standardźe kontrolny kašćik markěrowany njeje, štož rěka, zo so přełožene funkciske mjena wužiwaja.Hdyž so tutón kontrolny kašćik markěruje, so město toho jendźelske funkciske mjena wužiwaja. To so na wšě slědowacych wobłukow wuskutkuje: formlowe zapodaće a pokazanje, funkciski asistent a formlowe pokiwy. Móžeće wězo jón znjemóžnić, zo byšće so k přełoženym mjenam funkcijow wróćił.

Dźělatka

Z tutej skupinu opciskich tłóčatkow móžeće dźělatka w swojich formlowych wurazach konfigurować. To je na přikład praktiske, hdyž chceće swoje funkciske parametry přez komy (,) město semikolonow (;) wotdźělić.

Móžeće na přikład město =SUMA(A1;B1;C1) =SUMA(A1,B1,C1) zapodać.

Tohorunja móžeće tež špaltowe a linkowe dźělatka za pólne wariable inline změnić. Do toho je pólna wariabla inline semikolony (;) jako špaltowe dźělatko a padorunu smužku (|) jako linkowe dźělatko wužiwała; typiski wuraz pólneje wariable inline kaž tutón by za pólnu wariablu 5 x 2 takle wupadała:

={1;2;3;4;5|6;7;8;9;10}

Hdyž špaltowe dźělatko do komy (,) změniće a linkowe dźělatko do semikolona (;) budźe samsny wuraz takle wupadać:

={1,2,3,4,5;6,7,8,9,10}

Znowawobličenje při začitanju dataje

Znowawobličenje formlow móže někotry čas trać, hdyž jara wulke dataje začitaće.

Excel 2007 a nowši:

Začitanje wulkeje dateje tabeloweho dokumenta móže dołho trać. Jeli njetrjebaće daty swojeho wulkeho tabeloweho dokumenta hnydom aktualizować, móžeće znowawobličenje hač do lěpšeho časoweho dypka wotstorčić. LibreOffice wam zmóžnja, znowawobličenje tabelowych dokumentow Excel 2007 (a nowšeho) wotstorčić, zo by so čas začitanja pospěšił.

Tabelowy dokument ODF (z LibreOffice njeskładowany):

LibreOffice wuslědki formlow tabelowych dokumentow do swojeje ODF-dataje pufruje. Tuta funkcija LibreOffice pomha, wulki tabelowy dokument ODF, kotryž je so přez LibreOffice składował, spěšnišo znowa wobličić.

Za tabelowe dokumenty ODF, kotrež su so přez druhe programy składowali a hdźež tajke mjezskładowane formlowe wuslědki njekesistuja, da so znowawobličenje wotstorčić, zo by so začitanje dataje z datajemi Excel 2007 pospěšiło.

Za zapiski horjeka su slědowace wuběry móžne:

• Ženje znowa njewuličić – Formle so při začitanju dataje znowa njewuličeja.

• Přeco znowa wuličić – Wšě formle so při začitanju dataje znowa wuličeja.

• Wužiwarja so prašeć – Wužiwarja so za akciju prašeć.

Optimalna linkowa wysokosć

Za wulke tabelowe dokumenty wuličenje optimalneje linkoweje wysokosće wot formatěrowanja celoweho wobsaha a tež wot wuslědka formlow z wuměnjenymi formatami wotwisuje.

• Ženje znowa njewuličić – Linkowa wysokosć so při začitanju dataje znowa njewuličuje.

• Přeco znowa wuličić – Cyła linkowa wysokosć so při začitanju dataje znowa wuličuje.

• Wužiwarja so prašeć – Wužiwarja so za akciju prašeć.