Napohlad

Definuje, kotre elementy hłowneho wokna LibreOffice Calc so pokazuja. Móžeće tež wuzběhnjenje hódnotow w tabelach pokazać abo schować.

Pokazać

Wubjerće wjacore nastajenja za pokazanje na wobrazowce.

Formle

Podawa, hač so maja formle město wuslědkow w celach pokazać.

Nulowe hódnoty

Podawa, hač so maja ličby z hódnotu 0 pokazać.

Komentarowy indikator

Podawa, zo mały třiróžk w prawym hornim róžku cele pokazuje, zo komentar eksistuje. Komentar so jenož pokazuje, hdyž pokiwy pod LibreOffice - Powšitkowne w dialogowym polu Nastajenja zmóžnjeće.

Zo byšće komentar na přeco pokazał, wubjerće přikaz Komentar pokazać z kontekstoweho menija cele.

Móžeće komentary z přikazom Zasadźić – Komentar zapodać a wobdźěłać. Komentary, kotrež so na přeco pokazuja, dadźa so wobdźěłać, hdyž na komentarowy kašćik klikaće. Klikńće na Nawigator a w zapisku Komentary móžeće wšě komentary w aktualnym dokumenće pokazać. Hdyž na komentar w Nawigatorje dwójce klikaće, kursor do wotpowědneje cele skoči, kotraž komentar wobsahuje.

Komentarowe awtorstwo

Jeli tutón kontrolny kašćik je markěrowany, so awtor komentara a datum a čas, hdyž je so komentar napisał, w komentarowym woknje zjewja, hdyž myšku nad komentarom pohibujeće.

Mjeno awtora komentara so tak pokazuje, kaž so w polomaj Předmjeno a Swójbne mjeno w dialogu Wužiwarske daty jewi. Jeli tutej poli stej prózdnej, so awtor jako „njeznaty awtor“ jewi. Hdyž wužiwarske daty aktualizujeće, su jenož komentary potrjechene, kotrež su so po aktualizaciji napisali.

Formlowy indikator a pokiw

Rysuje módry třiróžk w róžku deleka nalěwo cele, kotraž formlu wobsahuje. Hdyž na módry třiróžk pokazujeće, so formla w pomocnym teksće pokazuje, jeli so druha cela wuběra.

Wuzběhnjenje hódnotow

Markěrujće kašćik Wuzběhnjenje hódnotow, zo byšće celowy wobsah w rozdźělnych barbach pokazał, wotwisujo wot typa. Tekstowe cele so čorne, formle zelene, ličbne cele módre a škitane cele ze swětłošěrym pozadkom formatěruja, njedźiwajo na to, kak jich pokazanje je formatěrowane.

Špaltu/Linku wuzběhnyć

Hdyž tutón přikaz je aktiwny, so špalta a linka wubraneje cele wuzběhujetej. Jeli wjacore cele so wuběraja, so jenož špalta a linka prěnjeje cele wuzběhujetej.

Celu we wobdźěłanskim modusu wuzběhnyć

Hdyž tutón přikaz je aktiwny, so pozadk cele wuzběhuje, hdyž je we wobdźěłanskim modusu.

Kótwička

Podawa, hač so kótwička pokazuje, hdyž so zasadźeny objekt, na přikład grafika, wuběra.

Poćahi barbnje pokazać

Podawa, zo so kóždy poćah we formli barbnje wuzběhuje. Celowy wobłuk so tež z barbnym ramikom wobdawa, hdyž so cela, kotraž poćah wobsahuje, za wobdźěłanje wuběra.

Optiske pomocki

Podawa, kotre linije so pokazuja.

Lěsyčne linije

Podawa, hdy so lěsyčne linije pokazuja. Po standardźe so lěsyčne linije jenož pola celow pokazuja, kotrež pozadkowu barbu nimaja. Móžeće wubrać, zo byšće tež lěsyčne linije z pozadkowej barbu pokazał, abo zo byšće je schował. Wubjerće Format – Předłoha strony… – Tabela a markěrujće kontrolny kašćik Lěsyca.

Pokazowak

Podawa, hač LibreOffice Calc pokazowak w standardnym stilu systema pokazuje, abo w stilu, kotryž symbolowej drasće wotpowěduje.

Drasta

Pokazuje pokazowak kaž je po symbolowej drasće definowany, zwjetša jako tučny křižik.

System

Pokazuje pokazowak jako standard systema, zwjetša jako šipk.

Łamanja strony

Podawa, hač so maja łamanja strony w definowanym ćišćerskim wobłuku pokazać.

Pomocne linije při přesuwanju

Podawa, hač so maja pomocne linije pokazać, hdyž so rysowanki, wobłuki, grafiki a druhe objekty přesuwaja. Tute pomocne linije wam pomhaja, objekty wusměrić.

Objekty

Definuje, hač so maja objekty za hač do třoch objektowych skupinow pokazać abo schować.

Objekty/wobrazy

Definuje, hač so objekty a grafiki pokazuja abo chowaja.

Diagramy

Definuje, hač so diagramy we wašim dokumenće pokazuja abo chowaja.

Rysowanske objekty

Definuje, hač so rysowanske objekty we wašim dokumenće pokazuja abo chowaja.

Wokno

Podawa, hač so někotre pomocne elementy w tabeli jewja abo nic.

Hłowy špaltow/linkow

Podawa, hač so maja hłowy linkow a špaltow pokazać.

Horicontalna suwanska lajsta

Podawa, hač so ma horicontalna suwanska lajsta deleka w dokumentowym woknje pokazać.

Wertikalna suwanska lajsta

Podawa, hač so ma wertikalna suwanska lajsta naprawo w dokumentowym woknje pokazać.

Tabelowe rajtarki

Podawa, hač so maja tabelowe rajtarki deleka w tabelowym dokumenće pokazać. Jeli tutón kašćik markěrowany njeje, móžeće jenož přez mjez tabelemi přepinać.

Rozrjadowanske symbole

Jeli sće definował, nastajenje Rozrjadowanske symbole podawa, hač so maja rozrjadowanske symbole na kromje tabele pokazać.

Zjeće wo pytanju

Jeli tutón kašćik je markěrowany, so wokno pytanskich wuslědkow jewi, hdyž Wšě pytać w pytanskej lajsće wuběraće. Polo pytanskich wuslědkow ličbu přitrjechjacych pytanskich wuslědkow podawa a nalistuje:

• tabela, hdźež kóždy wuslědk je;

• cela, hdźež kóždy wuslědk je; a

• wobsah cele, kotraž kóždy wuslědk wobsahuje.

Jeli hóčku z kašćika Tutón dialog pokazać we woknje pytanskich wuslědkow wotstronjeće, so tuta funkcija znjemóžni.

Měritko

Tabele synchronizować

Jeli to je markěrowane, so wšě tabele ze samsnym skalowanskim faktorom pokazuja. Jeli to markěrowane njeje, móže kóžda tabela swójski skalowanski faktor měć.