Awtomatiski popis

Podawa nastajenja za popisy, kotrež so zasadźenym objektam awtomatisce přidawaja.

Přistup k tutomu přikazej …

Wubjerće – LibreOffice Writer – Awtomatiske popisanje.


Popisy awtomatisce přidać při zasadźenju

Zmóžńće objektowe typy, za kotrež maja nastajenja awtomatiskeho popisanja płaćić.

Porjad popisow

Wubjerće porjad popisow: kategorija jako prěnja abo čisłowanje jako prěnje.

Popis

Definujće nastajenja, kotrež maja za wubrany objektowy typ płaćić. Tute nastajenja su z tymi w meniju Zasadźić – Popis… identiske, kotrež su k dispoziciji, hdyž objekt je wubrany. Přehladkowe wokno w dialogu wuslědk wubranych nastajenjow pokazuje.

Kategorija

Podawa kategoriju wubraneho objekta.

Čisłowanje

Podawa trěbny typ čisłowanja.

Za čisłom

Podajće opcionalne znamješka, kotrež so maja mjez čisłom a kategoriju popisa jewić. Tute nastajenje je jenož aktiwne, hdyž Čisłowanje jako prěnje je za porjad popisow wubrany.

Před popisom

Definujće opcionalne tekstowe znamješko, kotrež so za kategoriju a čisłom popisa jewi.

Pozicija

Postaja poziciju popisa nastupajo objekt.

Nadpismowe čisło před čisłom popisa

Hač do runiny

Při typiskim wužiwanju nadpismow wubrane čisło podawa, kelko runinow nadpismoweho čisła (započinajo z runinu 1) so pokazuje. Jeli [Zadyn] je wubrany, so žane nadpismowe čisło njepokazuje.

note

Za pokazanje wubrane nadpismowe čisło je prěnje předchadne nadpismo, kotrehož rozrjadowanska runina je jenaka abo mjeńša hač wubrana rozrjadowanska runina. Wubjerće na přikład „2“, zo byšće nadpismowe čisło prěnjeho předchadneho nadpisma z rozrjadowanskej runinu 1 abo z rozrjadowanskej runinu 2 wužiwał.


Dźělatko

Definujće znamješko, kotrež so ma mjez nadpismowym čisłom a čisłom popisa pokazać.

Kategorijowy a wobłukowy format

Znamješkowa předłoha

Podawa znamješkowu předłohu kategorije popisa a čisła popisa.

Ramik a sćin nałožić

Nałožuje ramik a sćin objekta na wobłuk popisa.

Prošu podpěrajće nas!