Kompatibelnosć

Podawa nastajenja kompatibelnosće za tekstowe dokumenty. Tute nastajenja při optimowanju LibreOffice pomhaja, hdyž so dokumenty Microsoft Word importuja.

Wotstup mjez wotstawkami a tabelemi přidać

W LibreOffice Writer so wotstawkowy wotstup hinak hač w dokumentach Microsoft Word definuje. Jeli sće wotstup mjez dwěmaj wotstawkomaj abo tabelomaj definował, so tež wotstup we wotpowědnych dokumentach Word přidawa.

Podawa, hač so ma wotstup, kotryž je z Microsoft Word kompatibelny, mjez wotstawkami a tabelemi w tekstowych dokumentach LibreOffice přidać.

Wotstawkowy a tabelowy wotstup horjeka na prěnjej stronje a łamanja strony přidać

Podawa, hač wotstawkowy wotstup horjeka na stronje so tež na spočatku strony abo špalty wuskutkuje, jeli wotstawk so na prěnjej stronje dokumenta pozicioněruje. Samsne za łamanje strony płaći.

Tabulatorowe formatěrowanje OpenOffice.org 1.1 wužiwać

Podawa, kak so ma tekst na tabulatorach za prawej kromu wusměrić, kak maja z decimalnymi tabulatorami wobchadźeć, a kak maja z tabulatorami blisko łamanja linki wobchadźeć. Jeli tutón kontrolny kašćik wubrany njeje, wobchadźeja z tabulatorami na samsne wašnje kaž w druhich nałoženjach Office.

W tekstowych dokumentach, kotrež su so přez aktualnu wersiju Writer wutworili, so nowe wobchadźenje z tabulatorami po standardźe wužiwa. W tekstowych dokumentach, kotrež su so přez wersije Writer před Staroffice 8 abo OpenOffice.org 2.0 wutworili, so stare wobchadźenje z tabulatorami nałožuje.

(Přidatnu) mjezeru mjez tekstowymi linkami njepřidać

Podawa, zo so přidatny wotstup (rozćehnjenje) mjez linkami njezasadźuje, byrnjež pismo, kotrež so wužiwa, atribut za přidatny wotstup wobsahowało.

W tekstowych dokumentach, kotrež su so přez aktualnu wersiju Writer wutworili, so přidatny wotstup po standardźe wužiwa. W tekstowych dokumentach, kotrež su so přez wersije Writer před Staroffice 8 abo OpenOffice.org 2.0 wutworili, so přidatny wotstup njewužiwa.

Linkowy wotstup OpenOffice.org 1.1 wužiwać

Jeli tute nastajenje je znjemóžnjene, so nowy proces za formatěrowanje tekstowych linkow z proporcionalnym linkowym wotstupom nałožuje. Jeli tute nastajenje je zmóžnjene, so předchadna metoda formatěrowanja tekstowych linkow z proporcionalnym linkowym wotstupom nałožuje.

W tekstowych dokumentach wutworjenych přez aktualnu wersiju Writer a w dokumentach Microsoft Words najnowšich wersijow so nowy proces wužiwa. W tekstowych dokumentach wutworjenych přez wersije Writer před StarOffice 8 abo OpenOffice.org 2.0 so předchadny proces wužiwa.

Wotstawkowe a tabelowe wotstupy na kóncu tabelowych celow přidać

Podawa, zo so delni wotstup wotstawkej přidawa, samo hdyž je posledni wotstawk w tabelowej celi.

Jeli tute nastajenje je znjemóžnjene, so tabelowe cele kaž we wersijach Writer před StarOffice 8 abo OpenOffice.org 2.0 formatěruja. Jeli tute nastajenje je zmóžnjene, so alternatiwna metoda formatěrowanja tabelowych celow nałožuje. Tute nastajenje je po standardźe za nowe dokumenty zmóžnjene, kotrež su so z LibreOffice wutworili, a za dokumenty, kotrež su so z formata Microsoft Word importowali.

Objektowe pozicioněrowanje OpenOffice.org 1.1 wužiwać

Podawa, kak so ma pozicija znošowacych so objektow wuličić, kotrež su na znamješku abo wotstawku nastupajo horni a delni wotstup wotstawka zakótwjene.

Jeli tute nastajenje je zmóžnjene, so znošowace so objekty kaž we wersijach Writer před StarOffice 8 abo OpenOffice.org 2.0 pozicioněruja. Jeli tute nastajenje je znjemóžnjene, so znošowace so objekty z pomocu alternatiwneje metody pozicioněruja, kotraž je metodźe podobna, kotruž Microsft Word wužiwa.

Tute nastajenje je za nowe dokumenty po standardźe znjemóžnjene. Za dokumenty Writer wutworjenych před OpenOffice.org 2.0 je tute nastajenje zmóžnjene.

Tekstowy wobběh wokoło objektow OpenOffice.org 1.1 wužiwać

Microsoft Word a Writer matej rozdźělnej wašni postupowanja za tekstowy běh wokoło znošowacych so objektow wobrazowki. Znošowace so objekty wobrazowki su wobłuki Writer a rysowanske objekty Writer a objekty „tekstowe polo“, „grafika“, „wobłuk“, „wobraz“ atd. w Microsoft Word.

W Microsoft Word a w aktualnych wersijach Writer so ani wobsah hłowowych a nohowych linkow ani wobsah nóžkow a kónčnych nóžkow wokoło znošowacych so objektow wobrazowki njełamaja. Wobsah tekstoweho wobłuka so wokoło znošowacych so objektow wobrazowki łama, kotrež su w hłowowej lince zakótwjene.

We wersijach Writer před StarOffice 8 abo OpenOffice.org 2.0 napřećiwne trjechi.

Jeli tute nastajenje je znjemóžnjene, kotrež je standardne nastajenje, so nowy tekstowy běh nałožuje. Jeli tute nastajenje je zmóžnjene, so dotalny tekstowy běh nałožuje.

Wobběhowy stil při pozicioněrowanju objektow wobkedźbować

Podawa, kak ma kompleksny proces pozicioněrowanja znošowacych so objektow, kotrež su na znamješku abo wotstawku zakótwjene, fungować. We wersijach Writer před StarOffice 8 abo OpenOffice.org 2.0 je so iteratiwny proces wužiwał, mjeztym zo so w aktualnych wersijach jednory proces wužiwa, kotryž je samsnemu procesej w Microsoft Word podobny.

Jeli tute nastajenje je znjemóžnjene, so stary iteratiwny proces LibreOffice objektoweho pozicioněrowanja wužiwa. Jeli tute nastajenje je zmóžnjene, so nowy jednory proces wužiwa, zo by kompatibelnosć z dokumentami Microsoft Word zawěsćił.

Wusměrće linki z manuelnym łamanjom linki we wusměrjenych wotstawkach

Jeli tute nastajenje je zmóžnjene. Writer wotstup mjez słowami w linkach zasadźuje, kotrež so z Umsch (⇧)+Enter we wotstawkach z blokowej sadźbu kónča. Jeli tute nastajenje je znjemóžnjene, so wotstup mjez słowami njerozšěrja, zo njebychu so linki w blokowej sadźbje wusměrili.

Tute nastajenje je za tekstowe dokumenty .odt po standardźe zmóžnjene. Składuje a začituje so z dokumentom w formaće tekstoweho dokumenta .odt. Tute nastajenje njeda so w starych tekstowych dokumentach .sxw składować, tohodla je tute nastajenje za tekstowe dokumenty .sxw znjemóžnjene.

Běłe linije tolerować, kotrež móža so na pozadkach PDF-strony jewić

Wužiwajće zakótwjenje rysowanskeho porjada a tolerěrujće běłe linije, kotrež so móhli na pozadkach strony PDF jewja, kotrež su so přez stare dokumenty wutworili.

Jako standard wužiwać

Klikńće, zo byšće aktualne nastajenja na tutym rajtarku jako standard za přichodne posedźenja z LibreOffice wužiwał.

Zawodne přednastajenja su tak nastajene. Zmóžnjene su slědowace nastajenja, mjeztym zo wšě druhe nastajenja su znjemóžnjene:

1. Wotstup mjez wotstawkami a tabelemi přidać

2. Wotstupy wotstawkow a tabelow na spočatkach stronow přidać

3. Wotstawkowe a tabelowe wotstupy na kóncu tabelowych celow přidać

4. Słowne wotstupy w linkach z manuelnymi linkowymi łamanjemi w blokowej sadźbje rozšěrić