Formatěrowanske pomocki

Definuje w tekstowych a HTML-dokumentach LibreOffice pokazanje za wěste znamješka a za direktny kursor.

Wuhotowanski asistent

Wusměrjenje na zakładnej za formle

Podawa, hač so formlowe objekty Math z tekstowej zakładnej jako referenca wusměrjeja. Znjemóžńće tute nastajenje, zo byšće wertikalnu poziciju objektow Math we wotstawku změnił.

Formatěrowanje pokazać

Definuje, kotre formatěrowanske znamješka su na wobrazowce widźomne. Aktiwizujće symbol Formatěrowanske znamješka na symbolowej lajsće Standard. Wšě znamješka, kotrež sće na rajtarku Formatěrowanske pomocki wubrał, so pokazaja.

Kónc wotstawka

Podawa, hač wotstawkowe znamješka so pokazuja. Wotstawkowe znamješka tež informacije wo wotstawkowym formaće wobsahuja.

Mjechke dźělenske smužki

Podawa, hač mjechke dźělenske znamješka (tež dźělenske smužki abo wuměnjene dźělenske znamješka mjenowane) so pokazuja. To su schowane swójske dźělatka, kotrež w słowje zapodawaće, hdyž Słowa z mjechkimi dźělenskimi znamješkami so jenož na kóncu linki na městnje dźěla, hdźež je so mjechke dźělenske znamješko zasadźiło, njedźiwajo na to, hač awtomatiske dźělenje złóžkow je zmóžnjene abo znjemóžnjene.

Mjezoty

Podawa, hač so ma kóžda mjezota w teksće z dypkom zwobraznić.

Škitane mjezoty

Podawa, zo so škitane mjezoty jako šěre kašćiki pokazuja. Škitane mjezoty so na kóncu linki njełamaja a so z tastowymi skrótšenkami zapodawaja.

Tabulatory

Podawa, zo so tabulatory jako małe šipki pokazuja.

Łamanja

Pokazuje wšě łamanja linki, kotrež su so z tastowej skrótšenku Umsch (⇧)+Enter zapodali. Tute łamanja nowu linku wutworjeja, ale nowy wotstawk njezapočinaja.

Schowane znamješka

Pokazuje tekst, kotryž znamješkowy format „schowany“ wužiwa, hdyž menijowy zapisk Napohlad – Formatěrowanske znamješka je zmóžnjeny.

Zapołožki

Podawa, zo so wobznamjenja zapołožkow pokazuja. | poziciju zapołožki pokazuje. [ ] spočatk a kónc zapołožki w tekstowym wobwodźe pokazuje.

Škitane wobłuki

Kursor zmóžnić

Podawa, zo móžeće kursor do škitaneho wobłuka stajić, ale njemóžeće změny přewjesć.

Direktny kursor

Definuje wšě kajkosće direktneho kursora.

Direktny kursor

Aktiwizuje direktny kursor. Móžeće tež tutu funkciju aktiwizować, hdyž na symbol Modus direktneho kursora w symbolowej lajsće Nastroje klikaće abo přikaz Wobdźěłać – Modus direktneho kursora w tekstowym dokumenće wuběraće.

Zasadźić

Definuje zasadźenske nastajenja za direktny kursor. Jeli na někajku poziciju w swojim dokumenće klikaće, da so nowy wotstawk pisać abo eksaktnje na tutej poziciji zasadźić. Kajkosće tutoho wotstawka wot wubraneho nastajenja wotwisuja. Móžeće ze slědowacych nastajenjow wubrać:

Tabulatory

Hdyž so direktny kursor wužiwa, so telko rajtarkow kaž trěbne w nowym wotstawku přidawaja, doniž klikowa pozicija docpěta njeje.

Tabulatory a mjezoty

Hdyž so direktny kursor wužiwa, so telko rajtarkow a mjezoty kaž trěbne do noweho wotstawka zasadźuja, doniž klikowa pozicija docpěta njeje.

Mjezoty

Hdyž so direktny kursor wužiwa, so mjezoty w nowym wotstawku přidawaja, doniž klikowa pozicija docpěta njeje.

Lěwa wotstawkowa kroma

Hdyž so direktny kursor wužiwa, so lěwe wotstawkowe zasunjenje na horicontalnej poziciji staja, hdźež na direktny kursor klikaće. Wotstawk so nalěwo wusměri.

Wotstawkowe wusměrjenje

Nastaja wotstawkowe wusměrjenje, hdyž so direktny kursor wužiwa. Wotwisujo wot toho, hdźež so z myšku klika, so wotstawk jako nalěwo, centrowany abo naprawo wusměrjeny formatěruje. Kursor před kliknjenjom z myšku z třiróžkom pokazuje, kotre wusměrjenje je nastajene.

Wobraz

Kótwička

Definuje standardnu kótwičku za zasadźene wobrazy. K dispoziciji stejace móžnosće su:

• To Paragraph

• To Character

• As Character