Tabela
Definuje atributy tabelow w tekstowych dokumentach.
Podawa standardne nastajenja za špalty a linki a tabelowy modus. Podawa tež standardne hódnoty za přesuwanje a zasadźowanje špaltow a linkow. Za dalše informacije hlejće .
Standard
Definuje standardy za wšě nowo wutworjene tekstowe tabele w tekstowych dokumentach.
Nadpismo
Podawa, zo prěnja linka tabele so z wotstawkowej předłohu „Tabelowe nadpismo“ formatěruje.
Na kóždej stronje wospjetować
Podawa, hač so tabelowe nadpismo na nowu stronu za łamanjom strony přenošuje.
Njedźělić (nic w HTML)
Podawa, zo so tabele přez někajki typ łamanja tekstoweho běha njedźěla. Móžeće tež tute nastajenje w meniju Tabela – Kajkosće… – rajtark: Tekstowy běh namakać.
Ramik
Podawa, zo tabelowe cele po standardźe ramik maja.
Zapodaće do tabelow
Ličbne spóznaće
Podawa, zo so do cele tekstoweje tabele zapodate ličby jako ličby spóznawaja a formatěruja. Tabelowe cele w LibreOffice Writer móža ličbu spóznać, hdyž so w jednym ličbnych formatow předstajeja, kotrež su w kategorijach Ličby, Procent, Měna, Datum, Čas, Wědomostny, Łamk a Hódnota wěrnosće k dispoziciji.
Spóznata ličba so w standardnym ličbnym formaće za tabelowe cele pokazuje, a staja celowy format na spóznatu kategoriju. Jeli so na přikład ličba jako datum spóznawa, so kategorija celoweho formata na Datum staja. Móžeće wěsty ličbny format za celu nastajić, na přikład datum, kotryž so jako 2018-03-08 zapodawa, so jako Štwórtk. 8. měrca 2018 pokazuje, hdyž je ličbny format cele na „Pjatk, 31. decembra 1999“ w dialogu Ličbny format nastajeny.
Spóznate datumowe a časowe podaća so do nutřkownych datumowych a časowych hódnotow přetworjeja. Procentowe ličby so internje do swojich numeriskich hódnotow přetworjeja. Wěrnostne hódnoty so internje do 0 abo 1 přetworjeja.
Hdyz so zapodaće jako ličba njespóznawa, so ličbna kategorija do Tekst změni a zapodaće so njezměni.
Jeli ličbne spóznawanje w nastajenjach markěrowane njeje, so ličby w tekstowym formaće składuja a awtomatisce nalěwo wusměrjeja.
Spóznawanje ličboweho formata
JeliSpóznawanje ličbneho formata wubrane njeje, so jenož zapodaće w tym formaće akceptuje, kotryž je za celu nastajeny. Kóžde druhe zapodaće format na Tekst wróćo staji.
Jeli na přikład cela datumowu hódnotu wobsahuje a jeje celowy format je Datum, so nowe zapodaće procentoweje hódnoty do cele celowy format Tekst staja a zapodata procentowa ličba so njespóznawa.
Hdyž Spóznawanje ličbneho formata je wubrane, zapodate ličby celowy format na spóznatu ličbnu kategoriju stajeja.
Wusměrjenje
Podawa, zo ličby so přeco naprawo w celi wusměrjeja. Jeli tute polo wubrane njeje, so ličby přeco nalěwo w celi wusměrjeja.
Direktne formatěrowanje so přez polo Wusměrjenje njewobwliwuje. Jeli celowy wobsah direktnje centrujeće, wostanje centrowany, njedźiwajo na to, hač tekst abo ličby wobsahuje.
Tastaturowe wodźenje
Cele přesunyć
Definuje standardne nastajenja za přesuwanje linkow a špaltow z tastaturu.
Linka
Podawa hódnotu, kotraž so ma za přesuwanje linki wužiwać.
Stołp
Podawa hódnotu, kotraž so ma za přesuwanje špalty wužiwać.
Celu zasadźić
Podawa standardne nastajenja za zasadźowanje linkow a špaltow z tastaturu.
Linka
Podawa standardnu hódnotu za zasadźowanje linkow.
Špalta
>Podawa standardnu hódnotu za zasadźowanje špaltow.
Zadźerženje linkow/špaltow
Postaja relatiwne wuskutk linkow a špaltow na susodne linki abo špalty kaž tež na cyłu tabelu.
Njezměnity
Podawa, zo so změny linki abo špalty jenož na wotpowědny susodny wobłuk wuskutkuja.
Njezměnity, proporcionalny
Podawa, zo so změny linki abo špalty na cyłu tabelu wuskutkuja.
Wariabelny
>Podawa, zo so změny linki abo špalty na tabelowu wulkosć wuskutkuja.