Ćišćeć
Podawa ćišćerske nastajenja w tekstowym abo HTML-dokumenće.
Ćišćerske nastajenja, kotrež su na rajtarku definowane, za naslědne nowe dokumenty płaća, doniž nastajenja znowa njezměniće. Jeli chceće nastajenja jenož za aktualny ćišćerski job změnić, wužiwajće dialog
Wobsah
Podawa, kotre dokumenty so maja ćišćeć.
Wobrazy a objekty
Podawa, hač so grafiki wašeho tekstoweho dokumenta ćišća.
Wodźenske elementy formularow
>Podawa, hač so pola formularowe wodźenske elementy wašeho tekstoweho dokumenta ćišća.
Pozadk strony
Podawa, hač so maja barby a objekty zapřijeć, kotrež su do pozadka strony zasadźene (Format - Předłoha strony… - Pozadk) we wućišćanym dokumenće.
Tekst čorny ćišćeć
Podawa, hač so ma tekst přeco čorny ćišćeć.
Schowany tekst
Zmóžńće tute nastajenje, zo byšće tekst ćišćał, kotryž je schowany. Slědowacy schowany tekst so ćišći: Tekst, kotryž je z Format – Znamješko – Schowany jako schowany formatěrowany, a tekstowe pola Schowany tekst a schowane wotstawki.
Tekstowe městodźeržićele
Zmóžńće tute nastajenje, zo byšće tekstowe městodźeržićele ćišćał. Znjemóžńće tute nastajenje, zo byšće tekstowe městodźeržićele we wućišću wuwostajił. Tekstowe městodźeržićele su pola.
Strony
Definuje ćišćerski porjad za dokumenty LibreOffice Writer z wjacorymi stronami.
Lěwe strony (nic za HTML-dokumenty)
Podawa, hač so maja wšě lěwe strony (z runymi ličbami strony) dokumenta ćišćeć.
Prawe strony (nic za HTML-dokumenty)
Podawa, hač so maja wšě prawe strony (z njerunymi ličbami strony) dokumenta ćišćeć.
Brošura
Wubjerće nastajenje Brošura, zo byšće swój dokument w brošurowym formaće ćišćał. Brošurowy format so takle w LibreOffice Writer zadźeržuje:
Jeli dokument we wysokim formaće na stronje w prěčnym formaće ćišćiće, so dwaj napřećiwnej bokaj w brošurje jedyn pódla druheho ćišćitej. Jeli ćišćak maće, z kotrymž móžeće na wobě stronje ćišćeć, móžeće cyłu brošuru ze swojeho dokumenta wutworić, bjeztoho zo byšće dyrbjał strony pozdźišo sortěrować. Jeli ćišćak maće, z kotrymž móžeće jenož na jedyn bok ćišćeć, móžeće to docpěć, hdyž najprjedy prědnje strony ze zmóžnjenym nastajenjom „Prědnje boki/prawe strony/njerune strony“ ćišćiće, potom papjerowy stapl zaso do swojeho ćišćaka kładźeće a wšě zadnje strony ze zmóžnjenym nastajenjom „Zadnje boki/lěwe strony/rune strony“ ćišćiće.
Wotprawa dolěwa
Zmóžńće tute nastajenje, zo byšće strony brošury w prawym porjedźe za pisanje wotprawa dolěwa ćišćał.
Tutón wodźenski elementy so jenož jewi, hdyž Kompleksne tekstowe wuhotowanje je w nastajene.
Druhe
Awtomatisce zasadźene prózdne strony ćišćeć
Jeli tute nastajenje je zmóžnjene, so awtomatisce zasadźene prózdne strony ćišća. To je najlěpše nastajenje, jeli chceće na dwěmaj bokomaj poćišćeć. Jeli je na přikład w knize wotstawkowa předłoha kapitla tak nastajena, zo so přeco z njerunej stronu započina. Jeli so předchadny kapitl na njerunu stronu kónči, LibreOffice runu prózdnu stronu zasadźuje. Tute nastajenje wodźi, hač so tuta runa strona ma ćišćeć abo nic.
Papjerowy žłobik z nastajenjow ćišćaka
Za ćišćaki z wjacorymi papjerowymi žłobikami, nastajenje „Papjerowy žłobik z nastajenjow ćišćaka“ podawa, hač wužity papjerowy žłobik je w systemowych nastajenjach ćišćaka nastajeny.
Faks
Jeli sće faksowu softwaru na swojim ličaku instalował a chceće direktnje z tekstoweho dokumenta faksować, wubjerće požadany faksowy nastroj.
Komentary
Podawa, hač so komentary we wašim dokumenće ćišća.