Wěstota
Definuje wěstotne nastajenja za składowanje dokumentow, webzwiski a za wočinjenje dokumentow, kotrež makra wobsahuja.
Někotre nastajenja njedadźa so wróćo stajić, hdyž su so wobdźěłali. Stajće pak změny manuelnje wróćo pak klikńće na Přetorhnyć a wočińće zaso dialog Nastajenja.
Wěstotne nastajenja a warnowanja
Wočinja dialog „Wěstotne nastajenja a warnowanja“.
Hesła za webzwiski
Móžeće hłowne hesło zapodać, zo byšće lochki přistup k sydłam zmóžnił, kotrež sej wužiwarske mjeno a hesło žadaja.
Hesła za webzwiski na přeco składować
Jeli tute nastajenje je zmóžnjene, budźe LibreOffice wšě hesła wěsće składować, kotrež za přistup k datajam z webserwerow wužiwaće. Móžeće hesła z lisćiny wotwołać, po tym zo sće hłowne hesło zapodał.
Stare konfiguracije móža słabje zaklučowane hesła wobsahować. W tutym padźe so infolajsta pokazuje, hdyž so nałoženje startuje, kotraž was namołwja, hłowne hesło znowa zapodać, zo byšće je z mócnišim zaklučowanjom znowa składował.
Z hłownym hesłom škitany (doporučeny)
Markěrujće tute nastajenje, zo byšće wšě zwiskowe hesła zmóžnił, kotrež so maja přez hłowne hesło škitać.
Hłowne hesło
Wočinja dialog Hłowne hesło zapodać.
Zwiski
Praša so za hłownym hesłom. Jeli hłowne hesło je prawe, so dialog wo informacijach za składowane internetne zwiski pokazuje.
Dialog składowanych internetnych zwiskow lisćinu websydłow a wužiwarskich mjenow pokazuje, kotrež sće do toho zapodał. Móžeće někajki zapisk wubrać a jón z lisćiny wotstronić. Móžeće hesło za wubrany zapisk pokazać.
Makrowa wěstota
Přiměrće wěstotny schodźenk za wuwjedźenje makrow a podajće dowěry hódnych awtorow makrow.
Makrowa wěstota
Wočinja dialog Makrowa wěstota.