Ćišćerske nastajenja
Podawa ćišćerske nastajenja.
Ćišćerske daty redukować
Móžeće mnóstwo datow redukować, kotrež so ma na ćišćak pósłać. Hdyž ćišćerske daty redukujeće, so ćišćerska spěšnosć powyšuje, dokelž ćišćerske dataje su mjeńše. To ćišćakam z mjeńšim składom ćišćenje wosnadni. Přez to móže so kwalita wudaća trochu pohubjeńšić.
Nastajenja za
Podawa, hač so ćišćerske nastajenja na direktne ćišćenje abo na ćišćenje do dataje nałožuja.
Transparencu redukować
Jeli tute polo markěrujeće, budu so transparentne objekty kaž normalne, njepřewidne objekty ćišćeć, we wotwisnosći wot wašeho wuběra w slědowacymaj dwěmaj opciskimaj tłóčatkomaj.
Transparenca njeda so direktnje na ćišćak wudać. Wobłuki dokumenta, w kotrychž ma transparenca widźomna być, dyrbja so tohodla přeco jako bitmapy wobličić a na ćišćak pósłać. Wotwisujo wot wulkosće bitmapow a ćišćerskeho rozeznaća móže wulke mnóstwo datow nastać.
Awtomatisce
Podawa, zo so transparenca jenož ćišći, jeli transparentny wobłuk mjenje hač štwórć cyłeje strony zakrywa.
Žana transparenca
Z tutym nastajenjom so transparenca ženje njećišći.
Bitmapy redukować
Podawa, zo so bitmapy z redukowanej kwalitu ćišća. Rozeznaće da so jenož redukować a nic powyšić.
Wysoka/Normalna ćišćerska kwalita
Wysoka ćišćerska kwalita rozeznaću 300 dpi wotpowěduje. Normalna ćišćerska kwalita rozeznaću 200 dpi wotpowěduje.
Rozeznaće
Podawa maksimalnu ćišćersku kwalitu w dpi. Rozeznaće da so jenož redukować a nic powyšić.
Transparentne objekty zapřijeć
Jeli tute polo je markěrowane, redukowanje ćišćerskeje kwality za bitmapy tež za transparentne wobłuki objektow płaći.
Barbny přeběh redukować
Jeli tute polo je markěrowane, so barbne přeběhi z redukowanej kwalitu ćišća.
Linije barbneho přeběha
Podawa maksimalnu ličbu linijow barbneho přeběha za ćišćenje.
Mjezybarba
Podawa, zo so barbne přeběhi jenož w jeničkej mjezybarbje ćišća.
Barby do stopnjow šěrje přetworić
Podawa, zo so wšě barby jenož w stopnjach šěrje ćišća.
Warnowanja ćišćaka
Definuje, kotre warnowanja maja so jewić, prjedy hač so ćišćenje započina.
Wulkosć papjery
Markěrujće tutón kontrolny kašćik, jeli wěsta wulkosć papjery je za ćišćenje aktulaneho dokumenta trěbna. Jeli wulkosć papjery, kotraž so w dokumenće wužiwa, přez aktualny ćišćak k dispoziciji njestaja, so zmylkowa zdźělenka zjewi.
Wusměrjenje papjery
Markěrujće tutón kontrolny kašćik, jeli wěste wusměrjenje papjery za ćišćenje aktualneho dokumenta trjebaće. Jeli format, kotryž so přez aktualny dokument wužiwa, so přez ćišćak k dispoziciji njestaja, so zmylkowa zdźělenka zjewi.
Transparenca
Markěrujće tutón kontrolny kašćik, jeli přeco chceće warnowanje dóstać, jeli dokument transparentne objekty wobsahuje. Jeli tajki dokument ćišćiće, so dialog jewi, w kotrymž móžeće wubrać, hač transparenca ma so w tutej ćišćerskej instrukciji ćišćeć.