Napohlad

Podawa napohladne nastajenja za zadźerženje myški, grafiske wudaće a pismowe lisćiny.

Myška

Srjedźna tasta

Definuje funkciju srjedźneje tasty myški.

1. Žana funkcija – žana akcija so přez srjedźnu tastu njewuwjedźe.

2. Awtomatiske kulenje – ćehnjenje ze stłóčenej srjedźnej tastu myški napohlad přesunje.

3. Mjezyskład zasadźić – tłóčenje srjedźneje tasty myški wobsah „wuběranskeho mjezyskłada“ na poziciji kursora zasadźi.

„Wuběranski mjezyskład“ je njewotwisny wot normalneho mjezskłada, kotryž móžeće z Wobdźěłać – Kopěrować/Wutřihać/Zasadźić abo wotpowědnymi tastowymi skrótšenkami wužiwać. Mjezyskład a „wuběranski mjezyskład“ móžetej rozdźělny wobsah w samsnym času wobsahować.

Akcija	Mjezyskład	Wuběranski mjezyskład
Wobsah kopěrować	Wobdźěłać – Kopěrować +C.	Tekst, tabelu, objekt wubrać.
Wobsah zasadźić	Wobdźěłać – Zasadźić +V na poziciji kursora zasadźuje.	Kliknjenje ze srjedźnej tastu myški na poziciji pokazowaka myški zasadźuje.
Do druheho dokumenta zasadźić	Žadyn wliw na wobsah mjezyskłada.	Posledni wuběr je wobsah wuběranskeho mjezyskłada.

Wudaće grafiki

Hardwarowe pospěšenje wužiwać

Ma direktny přistup k hardwarowym funkcijam adaptera za grafiske pokazanje ličaka, zo by so pokazanje na wobrazowce polěpšiło. Podpěra za hardwarowe pospěšenje wot dźěłoweho systema a hardware ličaka wotwisuje.

Antialiasing wužiwać

Zmóžńće abo znjemóžńće anti-aliasing za grafiki. Hdyž anti-aliasing je zmóžnjeny, zwobraznjenje najwjace grafiskich objektow łahodniše a z mjenje artefaktami wupada.

Lisćina pismow

Přehlad pismow pokazać

Pokazuje mjena wuběrajomnych pismow we wotpowědnym pismje, na přikład w polu „Pismo“ w symbolowej lajsće Formatěrowanje.

Antialiasing za pismo wobrazowki

Wubjerće tute nastajenje, zo byšće napohlad teksta na wobrazowce hładźił.

wot

Zapodajće najmjeńšu pismowu wulkosć, na kotruž so ma antialiasing nałožić.