Pisma
Wuměni pismo z pismom wašeje wólby. Narunanje pismo jenož naruna, hdyž so na wobrazowce pokazuje, abo na wobrazowce a při ćišćenju. Narunanje pismowe nastajenja njeměnja, kotrež su w dokumenće składowane.
Jeli chceće, móžeće standardne narunanske pismo přepisać, kotrež waš dźěłowy system wužiwa, hdyž na pismo w dokumenće storči, kotrež k dispoziciji njeje.
Narunanje pisma tež pokazanje pismow na wužiwarskim powjerchu LibreOffice wobwliwuje.
Někotre nastajenja njedadźa so wróćo stajić, hdyž su so wobdźěłali. Stajće pak změny manuelnje wróćo pak klikńće na Přetorhnyć a wočińće zaso dialog Nastajenja.
Wuměnjensku tabelu nałožić
Zmóžnja nastajenja narunanja pismow, kotrež definujeće.
Narunanska tabela
Nalistuje originalne pismo a narunanske pismo. Wubjerće Přeco, zo byšće pismo wuměnił, samo hdyž originalne pismo je na wašim systemje instalowane. Wubjerće Jenož wobrazowka, zo byšće pismo wobrazowki wuměnił a zo njebyšće ženje pismo za ćišćenje wuměnił.
|
Kontrolny kašćik Přeco |
Kontrolny kašćik Jenož wobrazowka |
Narunanska akcija |
|---|---|---|
|
zmóžnjeny |
prózdny |
Narunanje pismow na wobrazowce a při ćišćenju, hač pismo je instalowane abo nic. |
|
zmóžnjeny |
zmóžnjeny |
Narunanje pismow na wobrazowce, hač pismo je instalowane abo nic. |
|
prózdny |
zmóžnjeny |
Narunanje pismow jenož na wobrazowce, ale jenož, jeli pismo k dispoziciji njeje. |
|
prózdny |
prózdny |
Narunanje pismow na wobrazowce a při ćišćenju, ale jenož, jeli pismo k dispoziciji njeje. |
Pismo
Zapodajće abo wubjerće pismo, kotrež chceće wuměnić.
Wuměnić z
Zapodajće abo wubjerće mjeno narunanskeho pisma.
Nałožić
Nałožuje wubrane narunanje pisma.
Nałožić
Zhašeć
Zhaša wubrane narunanje pisma.
Zhašeć
Pismowe nastajenja za žórłowe teksty HTML a Basic
Wubjerće pismo a pismowu wulkosć za pokazanje žórłoweho koda HTML a Basic.
Pisma
Wubjerće pismo za pokazanje žórłoweho koda HTML a Basic. Wubjerće Awtomatiski, zo byšće awtomatisce přihódne pismo namakał.
Jenož njeproporcionalne pisma
Zmóžńće tute nastajenje, zo byšće jenož njeproporcionalne pisma w lisćinowym polu Pisma pokazał.
Wulkosć
Wubjerće pismowu wulkosć za pokazanje žórłoweho koda HTML a Basic.