Nowu barbu wubrać

LibreOffice wam zmóžnja, swójske barby z pomocu dwudimensionalneje grafiki a numeriskeho přeběžneho diagrama dialoga Barbu wubrać definować.

Přistup k tutomu přikazej …

Wubjerće Format – Płonina… – Płonina, klikńće na tłóčatko Barba a potom na tłóčatko Wubrać.

Klikńće na tłóčatko Dialog barbow w rajtarku Wobswětlenje dialoga 3D-efekty.

Wokno Barbowy wuběr

Warianty GTK a Qt LibreOffice na Linux po standardźe natiwne systemowe dialogi (toolkit) wužiwaja (kotrež so tež přez druhe nałožnenja wužiwaja), zo bychu barbu město swójskeho dialoga wuběrali, kotryž so podrobnišo deleka wopisuje. Wužiwanje swójskeho dialoga LibreOffice město natiwneho da so w nastajenjach LibreOffice zmóžnić.

Wokno za wuběranje barbow

Dialog Barbu wubrać ze štyrjoch hłownych wobłukow wobsteji.

Opciske tłóčatka barbowu komponentu barby wuběraja. Tuta barbowa komponenta da so pak w barbowym modelu RGB (Red: čerwjeny, Green: zeleny, Blue: módry) pak w barbowym modelu HSB (Hue: barbno, Saturation: nasyćenosć, Brightness: swětłosć) zwobraznić. Barbowy model CMYK (Cyan: cyan, Magenta: magenta, Yellow: žołty, Black: čorny) wuběrajomny njeje a staja so jenož k dispoziciji, zo by zapodaće barbowych hódnotow z pomocu notacije CMYK zmóžnił.
Wjerćite tłóčatka su za zapodawanje numeriskeje hódnoty barboweje komponenty.
Z wertikalnym suwakom barboweje komponenty móžeće hódnotu kóždeje barboweje komponenty změnić. Z wulkim barbnym kwadratom móžeće barbowu komponentu přibližnje wubrać.
Horicontalna barbowa lajsta deleka aktualnu barbu a nowu barbu jednu pódla druheje pokazuje.

Klikńće do wulkeho barboweho wobłuka nalěwo, zo byšće nowu barbu wubrał. Z pomocu tutoho wuběranskeho wobłuka móžeće dwě komponenće barby změnić, kaž so w barbowym modelu RGB abo HSB zwobrazujetej. Dźiwajće na to, zo to su dwě komponenće, kotrejž njejstej z opciskimi tłóčatkami naprawo pódla dialoga wubranej.

W prawym wobłuku lajsty deleka budźeće prěnjotnu barbu z nadrjadowaneho rajtarka Barby widźeć.

W lěwym wobłuku lajsty dekeka je aktualny wuslědk wašeho dźěła w tutym dialoga widźomny.

LibreOffice jenož barbowy model RGB za barboćišć wužiwa. Wodźenske elementy CMYK maja jenož zapodaće barbowych hódnotow z pomocu notacije CMYK wosnadnić.

RGB

Čerwjeny

Nastaja čerwjenu komponentu, kotraž da so we wertikalnym regulowaku barbow změnić, a zelena a módra komponenta w dwudimensionalnym polu za wuběranje barbow. Dowolene hódnoty su 0 do 255.

Zeleny

Nastaja zelenu komponentu, kotraž da so we wertikalnym regulowaku barbow změnić, a čerwjena a módra komponenta w dwudimensionalnym polu za wuběranje barbow. Dowolene hódnoty su 0 do 255.

Módry

Nastaja módru komponentu, kotraž da so we wertikalnym regulowaku barbow změnić, a zelena a čerwjena komponenta w dwudimensionalnym polu za wuběranje barbow. Dowolene hódnoty su 0 do 255.

Heks #

Pokazuje a nastaja barbowu hódnotu w barbowym modelu RGB jako heksadecimalnu ličbu.

HSB

Barbno

Nastaja komponentu barbna we wertikalnym regulowaku barbow a komponenće nasyćenje a swětłosć w dwudimensionalnym polu za wuběranje barbow. Hódnoty so w stopnjach wot 0 do 359 podawaja.

Nasyćenosć

Nastaja komponentu nasyćenosće we wertikalnym regulowaku barbow a komponenće Barbno a Swětłosć w dwudimensionalnym polu za wuběranje barbow. Hódnoty so w procentach (wot 0 do 100) podawaja.

Swětłosć

Nastaja komponentu Swětłosć we wertikalnym regulowaku barbow a komponenće Barbno a Nasyćenosć w dwudimensionalnym polu za wuběranje barbow. Hódnoty so w procentach (wot 0 do 100) podawaja.

CMYK

Cyan

Nastajće barbowu hódnotu Cyan w barbowym modelu CMYK.

Magenta

Nastajće barbowu hódnotu Magenta w barbowym modelu CMYK.

Žołty

Nastajće barbowu hódnotu Žołty w barbowym modelu CMYK.

Key

Nastajće barbowu hódnotu Čorny abo Key (čorny) w barbowym modelu CMYK.