Šćežki

Tutón wotrězk standardne šćežki k wažnym rjadowakam w LibreOffice wobsahuje. Tute šćežki dadźa so wot wužiwarja wobdźěłać.

Přistup k tutomu přikazej …

Wubjerće – LibreOffice – Šćežki.

Wubjerće Nastroje – Awtomatiski tekst… – tłóčatko: Šćežka… (jenož awtomatiski tekst).


Šćežki wužiwane přez LibreOffice

Zo byšće zapisk w lisćinje změnił, klikńće na zapisk a potom na Wobdźěłać. Móžeće tež dwójce na zapisk kliknyć.

Standard

Tłóčatko Standard předdefinowane šćežki za wšě wubrane zapiski wróćo staja.

Wobdźěłać

Klikńće, zo byšće dialog Šćežku wubrać abo Šćežki wobdźěłać pokazał.

Móžeće porjad zapiskow změnić, hdyž na lajstu w špalće Typ klikaće. Špaltowa šěrokosć da so změnić, hdyž dźělatko mjez špaltami z myšku přesuwaće.

Zapis {wužiwarski_profil} a jeho podzapisy wužiwarske daty wobsahuja.Městno zapisa {wužiwarski_profil} so postaja, hdyž so LibreOffice instaluje. Hlejće wotrězk Standardne městno we wikistronje wo wužiwarskim profilu LibreOffice za dalše informacije wo typiskich městnach wužiwarskeho profila w rozdźělnych dźěłowych systemach.

Slědowaca lisćina standardne předdefinowane šćežki za składowanje wužiwarskich datow pokazuje a rozjasnja, kotry typ wužiwarskich datow so w kóždej šćežce składuje. Wužiwajće dialog Wobdźěłać, zo byšće šćežki za rozdźělne typow změnił, přidał abo zhašał.

Typ

Standardna šćežka

Wopisanje

Awtomatiska korektura

Tutón rjadowak waše teksty awtomatiskeje korektury składuje.

Awtomatiski tekst

Tutón rjadowak waše teksty awtomatiskeho teksta składuje.

Zawěsćenja

Awtomatisce wutworjene zawěsćenske kopije dokumentow so tu składuja.

Słowniki

Tutón rjadowak dataje ze słowami we wašich swójskich słownikach składuje.

Galerija

Nowe galerijowe drasty so w tutym rjadowaku składuja.

Wobrazy

Tutón rjadowak so pokazuje, hdyž dialog za wočinjenje abo składowanje grafiskeho objekta prěni raz wuwołujeće.

Předłohi

W tutym rjadowaku móžeće swoje předłohi składować.

Nachwilne dataje

Tu LibreOffice swoje nachwilne dataje wotkładuje.

Moje dokumenty

Standardny dokumentowy rjadowak na wašim systemje

Móžeće tutón rjadowak widźeć, hdyž dialog Wočinić abo Składować prěni raz wuwołujeće.

Klasifikacija

LibreOffice prawidła TSCP BAF tuteje dataje čita.


Nastajenje Nutřkowne šćežki šćežki pokazuje, hdźež je předdefinowany wobsah za LibreOffice instalowany. Tute šćežki njedadźa so w tutym dialogu wobdźěłać.

Šćežki so na podzapisy w {instalaciski_rjadowak}share poćahuja. Tute podzapisy su přećiwo pisanju škitane a wobsahuja wobsah, kotryž so wšěm wužiwarjam pokazuje. Městno zapisa {instalaciski_rjadowak} so postaja, hdyž LibreOffice je instalowany.

Prošu podpěrajće nas!