Wužiwarske daty

Wužiwajće tutón rajtark, zo byšće wužiwarske daty zapodał abo wobdźěłał. Někotre daty su so snano hižo při instalowanju LibreOffice wot wužiwarja abo systemoweho administratora zapodali.

Přistup k tutomu přikazej …

Wubjerće – LibreOffice – Wužiwarske daty.

Wužiwarske daty so přez předłohi a asistenty w LibreOffice wužiwaja. Datowej poli „Předmjeno“ a „Swójbne mjeno“ na přikład so wužiwatej, zo byštej waše mjeno jako awtor noweho dokumenta awtomatisce zasadźiłoj. Móžeće to pod Dataja – Kajkosće… widźeć.

Někotre wužiwarske daty so awtomatisce do nutřkowneho słownika přewozmu, zo by je prawopisna kontrola spóznała. Jeli pisanske zmylki činiće, móže program tute daty wužiwać, zo by wuměny namjetował. Dźiwajće na to, zo so změny datow jenož wuskutkuja, po tym zo je so LibreOffice znowa startował.

Wužiwarske daty so tež w komentarach a slědowanju změnow wužiwaja, zo bychu jich awtorow identifikowali; a zo by so poslednja pozicija w dokumenće markěrował, zo by awtor, hdyž dokument pozdźišo wočinja, móhł jón na poslednjej poziciji wočinić.

Pozicija kursora

Zwjetša je kursor we wšěch wočinjenych dokumentach na spočatku dokumenta.

Jedne wuwzaće je, hdyž awtor tekstoweho dokumenta Writer dokument składuje a znowa wočinja. Kursor budźe na samsnej poziciji, hdźež je był, hdyž je so dokument składował. To jenož funguje, hdyž mjeno awtora je so w – LibreOffice – Wužiwarske daty zapodało.

Adresa

Wužiwajće polo Adresa, zo byšće swoje wosobinske wužiwarske daty zapodał a wobdźěłał.

Předewzaće

Zapodajće mjeno swojeho předewzaća do tutoho pola.

Předmjeno

Zapodajće swoje předmjeno.

Swójbne mjeno

Zapodajće swoje swójbne mjeno.

Iniciale

Zapodajće swoje iniciale.

Hasa/Dróha

Zapodajće mjeno swojeje dróhi/hasy do tutoho pola.

PWČ

Zapodajće swoje póstowe wodźenske čisło do tutoho pola.

Bydlišćo

Zapodajće swoje bydlišćo.

Zwjazkowy kraj

Zapodajće swój zwjazkowy kraj.

Kraj

Zapodajće swój kraj.

Titul

Zapodajće swój titul do tutoho pola.

Pozicija

Zapodajće swoju powołansku poziciju w předewzaću do tutoho pola.

Tel. (priwatny)

Zapodajće swoje priwatne telefonowe čisło do tutoho pola.

Tel. (słužbny)

Zapodajće swoje słužbne telefonowe čisło do tutoho pola.

Faks

Zapodajće swoje faksowe čisło do tutoho pola.

E-mejlowa adresa

Zapodajće swoju e-mejlowu adresu. Na přikład moje.mjeno@mój.poskićowar.de

Kryptografija

Postajće preferowany zjawny kluč za zaklučowanje OpenPGP a digitalnu signaturu. Tute preferowane kluče so kóždy raz, hdyž dokument signujeće abo zaklučujeće, we wuběranskim dialogu awtomatisce wuběraja, zo njebyšće trjebał je wubrać, hdyž z wěstym klučom husto signujeće.

Podpisowy kluč OpenPGP

Wubjerće swój kluč OpenPGP z wuběranskeje lisćiny, zo byšće ODF-dokumenty signował.

Kluč OpenPGP za zaklučowanje

Wubjerće swój kluč OpenPGP z wuběranskeje lisćiny, zo byšće ODF-dokumenty zaklučował.

Hdyž so dokumenty zaklučuja, přeco ze swójskim klučom

Markěrujće tutón kontrolny kašćik, zo byšće dataju tež ze swojim klučom zaklučował, zo byšće móhł dokument ze swojim priwatnym klučom wočinił.

Wostajće tute nastajenje wubrane, jeli chceće dokumenty dešifrować, kotrež sće za druhe wosoby zaklučował.