Tutón přikaz dialog za přiměrjenu programowu konfiguraciju wočinja.
Wšě swoje nastajenja so awtomatisce składuja. Zo byšce zapisk pokazał, klikńće pak na tutón zapisk pak na plusowe znamješko. Zo byšće zapisk schował, klikńće na minusowe znamješko abo klikńće dwójce na zapisk.
Widźiće jenož zapiski, kotrež su na aktualny dokument nałožujomne. Jeli aktualny dokument je tekstowy dokument, widźiće zapisk LibreOffice Writer, a wotpowědnje za wšě module LibreOffice.
Přistup k tutomu přikazej …
Z menijoweje lajsty:
LibreOffice - NastajenjaNastroje – Nastajenja…
Z powjercha z rajtarkami:
Wubjerće Nastajenja… z menija horjeka naprawo (☰).
Z tastatury:
Alt + F12
Tłóčatka dialoga Nastajenja
W porjadku
Składujće změny na stronje a začińće dialog Nastajenja.
Přetorhnyć
Začińće dialog Nastajenja a zaćisńće wšě přewjedźene změny.
Nałožić
Nałožuje změnjene abo wubrane hódnoty, bjeztoho zo by so dialog Nastajenja začinił.
Wróćo stajić
Staja změny wróćo, kotrež su so w aktualnym rajtarku přewjedli, na te nastajenja, kotrež do toho we wočinjenym dialogu běchu.
Někotre nastajenja njedadźa so wróćo stajić, hdyž su so wobdźěłali. Stajće pak změny manuelnje wróćo pak klikńće na Přetorhnyć a wočińće zaso dialog Nastajenja.
Pomoc
Wočinja wobsah pomocy za pokazanu stronu nastajenjow.
Wužiwajće tutón dialog, zo byšće powšitkowne nastajenja za dźěło z LibreOffice wutworił. Informacije temy kaž wužiwarske daty, składowanje, ćišćenje, šćežki k wažnym datajam a zapisam wopřijima.
Tute nastajenja wašnje postajeja, na kotrež z tekstowymi dokumentami wobchadźeja, kotrež su so w LibreOffice wutworili. Je tež móžno, nastajenja za aktualny tekstowy dokument definować.
Definuje wšelake nastajenja za tabelowe dokumenty, wobsah, kotryž so ma pokazać a směr kursora po celowym zapisku. Móžeće tež sortěrowanske lisćiny definować, ličbu decimalnych městnow nastajić a nastajenja za natočenje a wuzběhnjenje změnow postajić.
Definuje wšelake nastajenja za nowo wutworjene prezentaciske dokumenty, na přikład wobsah, kotryž so ma pokazać, wužitu měrjensku jednotku a hač a kak so lěsyca wusměrjuje.
Definuje globalne nastajenja za rysowanske dokumenty, mjez nimi wobsah, kotryž so ma pokazać, měritko, kotrež so wužiwa a lěsyčne wusměrjenje a wobsah, kotrejž so matej po standardźe ćišćeć.
Definuje ćišćerski format a ćišćerske nastajenja za wšě nowe formlowe dokumenty. Tute nastajenja płaća, hdyž formlu direktnje z LibreOffice Math ćišćiće.
