Filtry XML wutworić

Filter XML za LibreOffice wutworić

Hdyž filter XML za LibreOffice wutworjeće, dyrbiće stilowu předłohu XSLT (stylesheet) naćisnyć, kotraž móže do a z datajoweho formata OpenDocument XML přetworić.

Jeli chceće, móžeće dokumentowu předłohu ze swojim filtrom zapřijeć, zo byšće formatowe předłohi LibreOffice na dokument XML nałožił, kotryž importujeće.

Filter XML wutworić

1. Wutworće stilowu předłohu za transformacije XSLT, kotruž elementam datajoweho formata OpenDocument XML elementy eksterneho formata XML přirjaduje a nawopak.

2. Wutworće dokumentowu předłohu, kotraž elementam w eksternym formaće XML formatowe předłohi LibreOffice připokazuje, hdyž dataju w tutym formaće do LibreOffice importujeće.

3. Wutworće w LibreOffice Writer tekstowy dokument a wubjerće Nastroje – Filtrowe nastajenja XML….

4. Klikńće na Nowy….

5. Klikńće w dialogu XML-filter na rajtark Powšitkowny a definujće kajkosće filtra.

• Zapodajće w polu Mjeno filtra mjeno za XML-filter.

  Tute mjeno so w dialogu Filtrowe nastajenja XML pokazuje.

• Wubjerće w polu Nałoženje nałoženje LibreOffice, za kotrež filter je mysleny.

• Zapodajće w polu Mjeno datajoweho typa datajowy typ, zo kotryž filter je mysleny.

  Tute mjeno so w lisćinje datajowych typach w dialogach Wočinić, Eksportować a Składować jako pokazuje.

• Zapodajće w polu Datajowa kóncowka kóncowku za eksportowanu dataju.

  

  Zo byšće dataju z druhich datajow XML rozeznał, zapodajće druhu kóncowku hač *.xml.

  
  

6. Definujće na rajtarku Transformacija transformaciske kajkosće za filter.

• (Na přeće) Zapodajće w polu DocType identifikator dokumentoweho typa za eksterny datajowy format.

  Tutón identifikator so wužiwa, zo by při importowanju datajowy typ namakał.

• Zapodajće XSLT za eksport šćežku a datajowe mjeno stiloweje předłohi XSLT, kotraž transformaciju z formata OpenDocument do eksterneho formata definuje.

• Zapodajće XSLT za import šćežku a datajowe mjeno stiloweje předłohi XSLT, kotraž transformaciju z eksterneho formata do formata OpenDocument definuje.

• (Na přeće) Zapodajće w polu Dokumentowa předłoha za import šćežku a mjeno dokumentoweje předłohi, kotraž formatowe předłohi LibreOffice definuje, kotrež so w importowanej dataji wužiwaja.

  

  Dataje, kotrež su na rajtarku Transformacija podate, so do lokalneho wužiwarskeho zapisa LibreOffice kopěruja.

  
  

7. Klikńće na W porjadku.

XML-filter testować

Móžeće w LibreOffice zakładne testy na swójskim XML-filtrje přewjesć.

1. Wutworće abo wočińće tekstowy dokument.

2. Wubjerće Nastroje – Filtrowe nastajenja XML….

3. Wubjerće w lisćinje filtrow filter, kotryž chceće testować a klikńće na XSLT testować….

4. Zo byšće eksportowy filter testował, přewjedźće jedyn ze slědowacych krokow we wobłuku Eksport dialoga:

• Klikńće na Přepytać…, wubjerće dokument LibreOffice, kotryž chceće testować a klikńće na Wočinić.

• Zo byšće aktualny dokument testował, klikńće na Aktualny dokument.

5. Zo byšće importowy filter testował, klikńće na Přepytać… we wobłuku Import dialoga, wubjerće dokument a klikńće na Wočinić.