Wo filtrach XML
LibreOffice dokumenty w formaće XML składuje. Móžeće swójske filtry wutworić, kotrež systemowy datajowy format OPenDocument XML, kotryž LibreOffice wužiwa, do druheho formata přetworjeja. Tute filtry dadźa so bjezposrědnje do LibreOffice integrować, zo byšće móhł tute formaty składować abo začitać.
Zo byšće filter XML wutworił, dyrbiće konceptaj XML a XSLT derje znać. Tutej konceptaj njejstej tema tuteje pomocy.
Filter XML stilowe předłohi wobsahuje, kotrež su w rěči XSLT napisane. Stilowe předłohi transformacija z datajoweho formata OpenDocument do druheho formata XML z pomocu eksportowych a importowych filtrow definuja. Su tři typy filtrow XML:
-
Importowe filtry – začitaja eksterne dataje XML a přetworjeja format datajow do datajoweho formata OpenDocument XML. Po tym zo sće importowy flter instalował, so mjeno filtra lisćinje datajowych typow w dialogu Dataju wočinić přidawa.
-
Eksportowe filtry – přetworjeja dataje OpenDocument XML a składuja dataje do druheho formata XML. Po tym zo sće eksportowy filter instalował, so mjeno filtra lisćinje datajowych typow w dialogu Eksportować přidawa.
-
Importowe/Eksportowe filtry – začitaja a składuja dataje OpenDocument XML do druheho formata XML. Po tym zo sće tute filtry instalował, so mjena filtrow lisćinje datajowych typow w dialogu Dataju wočinić a w dialogu Dataju składować jako přidawaja.